Xelkê Kobanê cenazeyê şehîd Lîna Elo oxir kir û soza şopandina rêya şehîdan da

Şehîd Lîna Elo (Azda Berxwedan) 8`ê Tebaxê di qezeyekê de şehîd bûn. Şehîd Ronahî Garê 22`yê Hezîrana 2023`yan li Herêmên Parastinê yên Medyayê di berxwedana li hember êrişên dewleta Tirk a dagirker şehîd bûbû. Xelkê Kobanê, endamên saziyên sivîl û partiyên herêma Firatê tev li merasîma her du şehîdan bûn.

Endama koordînasyona Kongra Star a herêma Firatê Macîde Hesûn axivî û got: “Dewleta Tirk a dagirker êriş piraniya herêmên Bakur û Rojhilatê Sûriyeyê dike ji bo ku çeteyên DAIŞ`ê vejîne. “

Macîde wiha domand: “Şehîd Azda li hember êrişên dewleta Tirk a dagirker li ber xwe da û şehîd bû.”

Hevserokê Meclisa Leşkerî ya Herêma Firatê Mehmûd Dîmo got: “Şehîd Azda ji malbateke welatparêz e û şopdarê rêya têkoşeran bû. Roleke di tunekirina terora DAIŞ`ê de lîst. Şervaneke xwedî xewneke mezin bû ku gelê wê di aştiyê de bijî.”

Dîmo soz da ku tola tevahî şehîdan hilînin ku di oxira pêkanîna ewlehiyê li herêmê de şehîd bûne.

Her wiha endama Rêveberiya Komîteya Lihevanînê Sultane Elo bi navê malbata şehîd Azda axivî û behsa têkoşîna wê kir.

Di dawiya merasîmê de, Meclisa Malbatên Şehîdan a Herêma Firatê wesîqeyên şehadeta her du şehîdan xwend û radestî malbatên wan kir. Di dawiyê de cenazeyê şehîd Lîna Elo li Goristana Şehîd Dîjle hate veşartin.

(şx)

ANHA