Bi merasîmeke bi haybet cenazeyê şehîd Vejîn Jiyan hat veşartin

Şêniyên Girkê Legê, Dêrik û Çilaxa cenazeyê şervana YPJ`ê Hîcran Ecûz (Vejîn Jiyan) a ku 7'ê Tebaxê di encama qezayekêk de li Hesekê şehîd bûbû, bi merasîmekê li Goristana Şehîd Xebat spart axê.

Li goristanê, bi navê Meclisa Malbatên Şehîdan Elî Hacî Hesen axivî û got: “Em dev ji şehîdên xwe bernadin û dê li ser şopa wan bin.”

Hesen desntîşan kir ku hêzên leşkerî û QSD`ê hîna li ser soza ku dane xelkê herêmê û dê gelê herêmê û axa herêmê biparêzin.

Ji fermandarên Meclisa Leşkerî ya navçeya Dêrikê Xalid Dêrik axivî û got: “Erka ye ku berxwedanê berdewam bikin ta ku armancên şehîdan pêk bînin û gel û welêt biparêzin. Ev gelê ku bi fikr û felsefeya Rêber Abdullah Ocalan bawer kir. Heta dawiyê em dev ji vê rêyê bernadin.”

Bi navê Yekitiya Jinên Ciwan Jînda Qamişlo jî got: “Em di şexsê şehîd Vejîn de careke din soz didin ku têkoşîn û berxwedanê li hember êrişên dagirkeriyê berdewam bikin."

Jînda destnîşan kir ku tevlêbûna xelkê herêmê bi vî rengî, ji tevahî dewletên dagirker re peyameke ku gelên herêmê bi azadî û hêza xwe ve girêdayî ye.

Piştî bidawîbûna axaftinan, Meclisa Malbatên Şehîdan wesîqeya şehadeta şehîd xwend û radestî malbatê kir. Di dawiyê de, di nava tilîliyên dayîkan de cenazeyê Vejîn li goristanê hate veşartin.

(şx)

ANHA