Merasîma şehîd Norşîn Serhad li Helebê li dar ket

Ferîhan Îsmaîl (Norşîn Serhad) di 8'ê Tebaxa 2022'yan de li herêma Garê ya Herêmên Parastinê yên Medyayê di encama êrişên dewleta Tirk a dagirker de şehîd bû, ku konê sersaxiyê li qada Şehîdan a rojavayê taxa Şêxmeqsûd a Helebê hat vegirtin.

Di merasîmê de endamên saziyên sivîl û leşkerî, meclis û komîn û şêniyên herdu taxan beşdar bûn.

Di serî de endama Meclisa Malbatên Şehîdan Fîdan Hisên Ezet sersaxî da malbata şehîd û soza şopandina rêya şehîdan da.

Piştre, endama Kongra Star Nêrgiz Bekir hemû şehîdên azadiyê bi bîr anîn û got: "Şehîd Norşîn xwedî mîraseke mezin li Efrîn û Helebê ye ya li hember siyasetên qirêj ên li dijî gel û hêzên me yên leşkerî."

Her wiha, bavê şehîd Norşîn, Emîn Îsmaîl bi navê malbata xwe serbilindiya xwe bi şehadeta keça wan anî ziman û têkoşîna gerîla û Partiya Karkerên Kurdistanê (PKK) û Rêber Abdullah Ocalan a ji bo rêxistinkirina gelê Kurd silav kir.

Di dawiya merasîmê de wesîqeya şehîd ji aliyê endamê Komîteya Perwerde û Fêrkirina Civaka Demokratîk Şiyar Silêman ve hat xwendin û ji bo malbata şehîd bi tilîliyên dayikan hat radestkirin.

(mh)