Mala Êzidî ya Hesekê qurbaniyên Şengalê bi bîr anîn

Çalakî li Mala Êzidî ya li gundê Berzan ê Hesekê li dar ket. Beşdarên çalakiyê wêneyên komkujiyê, pankartên “Şengal kûrahiya dîrokî ya êzidiyan li cîhanê ye û rêveberiya wê ya xweser armanca herî bilind a me ye” hildan.

Di çalakiyê de, hevserokê Mala Êzidî ya Herêma Cizîrê Silêman Hemo axivî û got: “Em îro roja reş a bi serê pêkhateya êzidî de pêk hatî, bi êş û kedereke mezin bi bîr tînin.”

Hemo wiha domand: “Zêdetirî 12 hezar pêşmerge li Şengalê bûn. Lê li ber xwe nedan û Şengala neparastin. Şengal beşeke Kurdistanê nabînin.”

Di dawiyê de Hemo got: “YPJ û YPG`ê, HPG`ê Şengal ji terora DAIŞ`ê rizgar kir. Bi saya wan Şengal di nav ewlehiyê de ye. Em dê piştgiriya hêzên xwe û rêveberiya xwe ya xweser bin.”

Endama Koordînasyona Kongra Star a kantona Hesekê Rîma Îsa komkujiya li dijî civata êzidî ya li Şengalê, şermezar kir û got: “Gelek ferman li dijî ev pêkhateya aştiyane pêk hatin da ku wî ji nasname û ola wî dûr bixin.”

Rîma behsa xiyaneta malbata Barzanî ya bi serê pêkhateya êzidî, kiriye kir û got: “Heke hûn nikarin parastina Şengalê bikin, hûn li ser axa wê çêdikin?”

(şx)

ANHA