Geşedanên siyasî ji şêniyên Hesekê re hatin şîrovekirin

PYD'ê bi du civînan geşedanên siyasî ji şêniyên bajarê Hesekê re şîrove kirin.

NÛÇE

17 hezîran, 2023 13:20

HESEKÊ

Partiya Yekitiya Demokratîk (PYD) Ji bo nirxandinên geşdanên dawîn yên li ser asta herêmê, civînek li Hola Serdem a taxa Mişêrfê ya bajarê Hesekê li dar xist.

Di civîna ku bi dehan şênî tevlê bûn de hevserokê Desteya Hundirîn a Herêma Cizîrê Kenan Berekat geşdanên siyasî nirxandin û wiha got: "Dewleta Tirk a dagiker di nava bêdengiya hêzên navneteweyî de êrişî herêmê dike. Bi van êrişan dixwaze herêmên me dagir bike û gelê me koçber bike."

Berekat anî ziman ku tevahî pêkhateyên herêmên Rêveberiya Xweser bi yekdestî planên dijminan têk birin û wiha domand: "Projeya Rêveberiya Xweser ji sûriyeyiyan re bû projeyeke demokratîk û hewl dide çareyeke Sûriyeyî-Sûriyeyî pêk bîne."

Berekat bang li hêzên navneteweyî û rêxistinên hiqûqî kir ku destwerdanê bikin û dawî li êrişên li ser Bakur û Rojhilatê Sûriyeyê bînin.

Civîn bi diruşmên silavkirina berxwedana gelan bi dawî bû.

Li Hola Reşo jî bi beşdarbûna bi dehan şêniyên bajar mîna vê civînê hate lidarxistin.

(fr)

ANHA