​​​​​​​Malbatên şehîdan: Heta azadiya fîzîkî ya Rêbertî em tê bikoşin

Malbatên şehîdan ên kantona Qamişloyê anî ziman ku Rêber Abdullah Ocalan hêviya azadî û çareserkirina pirsgirêka Kurd e û got ew ê têkoşîna ji bo azadiya wî ya fîzîkî xurt bikin.

Bavê şehîd Çeleng, Elî Elî anî ziman ku fikr û felsefeya neteweya demokratîk dermanê nexweşiyên civakê ye. Elî tecrîda li ser Rêber Abdullah Ocalan, bêparhiştina wî ji tevahî mafên wî û bêdengiya rêxistinên hiqûqî û mirovî şermezar kirin.

Birayê şehîd Zagros Çilaxa, Hisên Îbrahîm jî got ramanên Rêber Abdullah Ocalan gel rizgar kir û rêya wan ronî kir, bi saya vî ramanê gel çand û dîroka xwe ji helandinê diparêzin. Her wiha Îbrahîm bal kişand ser rola Rêber Abdullah Ocalan di xurtkirina hevgirtin û jiyana hevbeş a pêkhateyan de.

Xwişka şehîd Xebat Til Koçer, Şecûra Mihemed Sekvan bal kişand ser asta bandora jinên Bakur û Rojhilatê Sûriyeyê bi nirxandinên Rêber Abdullah Ocalan ên têkildarî têkoşîna azadiyê û got Rêber Ocalan îradeya jinan xurt kir da ku bikarin rola xwe di birêxistinkirin û rizgarkirina civakê de pêk bînin.

Şecûra Mihemed Sekvan ji bo azadiya fîzîkî ya Rêber Abdullah Ocalan banga xurtkirina têkoşînê kir.

Xwişka şehîd Gabar Til Elo, Xewla Silêman Mihemed jî destnîşan kir ku ew hêza xwe ya têkoşînê ji berxwedana Rêber Abdullah Ocalan digire û got: "Rêber Abdullah Ocalan hêviya azadî û çareserkirina pirsgirêka Kurd ye. Ramanên Rêber Abdullah banga domandina têkoşînê dikin. Ruxmî tecrîda girankirî ya li dijî wî, em şopdarên xeta wî ne."

(bb)

ANHA