Ji bo wergirtina genim 28 embar hatine amadekirin

Rêveberiya Xweser a Bakur û Rojhilatê Sûriyeyê di 9`ê Gulanê de buhayê kirîna genim û ceh ji cotkaran diyar kir. Kîloya genim bi 43 sent e û ya ceh bi 35 sent e.

Balkêş e ku cotkar ji vî buhayê razî ne. Cotkaran diyar kir kirin ku ligel rewşa aborî ya zehmet ev buha baş e.

Têkildarî ka wê pereyên cotkaran bi dolar an lîreyê bidin, cîgirê Hevserokatiya Desteya Çandinî û Avdanê ya Bakur û Rojhilatê Sûriyeyê ê Ehmed Yûnis got dê pereyên cotkaran bi dolar bidin wan û diyar kir dê di nava 20 heta 25 rojan piştî radestkirinê de pereyên wan bidin wan.

Bi destpê çinînê re, desteyên aborî û çandiniyê yên Rêveberiya Xweser dest bi amadekirina embaran, kadoryên taybet ên çavdêriya mekanîzmeya radestkirin û wergirtinê, kir.

JI BO KIRÎNÊ KADROYÊN PISPOR HATIN AMADEKIRIN

Ehmed Yûnis diyar kir ku wan 3 dewreyên perwerdeyê ji aliyên têkildarî kirîna genim û ceh hatin vekirin û li gorî pîvanên sûriyeyî û navneteweyî hatin perwerdekirin. Yûnis destnîşan kir ku dewreya perwerdeyê ya yekemîn li herêma Firatê û ya duyemîn li kantona Qamişloyê û ya sêyemîn li kantona Hesekê hatin vekirin.

Rêveberiya Xweser a Bakur û Rojhilatê Sûriyeyê, li tevahî herêmên Rêveberiyê 28 embar amade kirine.

Ehmed Yûnis anî ziman ku embar dikarin 850 hezar ton ceh û genim werbigirin û da zanîn ku heke miqdar ji wisa zêdetir be dê embarên din vekin.

Cîgirê Hevserokatiya Desteya Çandinî û Avdanê Ehmed Yunis bang li welatiyan kir ku ji bo parastina hilbirînan ji şewatan bi komîteyên li herêmê re koordîneyê bikin û hevkar bin.

(dm)

ANHA