Cenazeyê şehîd Fûad Xelîl hat veşartin

Şêniyên Kobanê bi merasîmekê cenazeyê şehîd Fûad Xelîl li Goristana Şehîd Dîcle spart axê.

13 gulan, 2023 17:00

KOBANÊ

Di merasîma oxirkirina şehîd Fûad Xelîl ê ku pêncşemê li Kobanê şehîd bûye de, şêniyên kantona Kobanê, endamên saziyên sivîl, kesayetên partiyên siyasî yên herêma Firatê hazir bûn.

Di merasîmê de, endamê Meclisa Tevgera Civaka Demokratîk (TEV-DEM) ya herêma Firatê Bozan Dalî axivî û got: "Qedera gelê herêmê bi taybetî gelê Kurd her roj bi dehan şehîdan oxir bike, lê belê vîna wî naşike û dê bigihêje armanca xwe ku hewl dide pêk bîne."

Bozan Dalî soz da tevahî şehîdan û dayîkan ku dê destkeftiyên şehîdan biparêzin û tolê ji her kesên ku hewl didin ewlehiya herêmê têk dibin hilînin.

Hevseroka Desteya Çandiniyê ya Herêma Firatê Sewsen Daban jî anî ziman ku dewleta Tirk bi êrişên xwe nikare vîna gelê berxwedêr bişkîne û bohsteke axa herêmê dagir bike.

Di dawiya merasîmê de wesîqeya şehadeta şehîd ji aliyê Meclisa Malbatên Şehîdan ve hate xwendin û radestî malbatê hat kirin. Piştre cenazeyê şehîd li goristanê hat veşartin.

(dm)

ANHA