Cenazeyê şehîd Yasir El Casim bi merasîmekê hat veşartin

Bi beşdarbûna bi sedan kesî cenazeyê endamê Hêzên Ewlekariya Hundirîn Yasir El Casim li Goristana Şehîdan a Tebqayê hat veşartin.

NÛÇE

7 gulan, 2023 12:55

TEBQA

Endamê Hêzên Ewlekariya Hundirîn a Bakur û Rojhilatê Sûriyeyê Yasir El Casim 4’ê vê Gulanê dema erka xwe bi cih dianî, li Tebqayê şehîd bû.

Bi sedan şêniyên Tebqayê bi merasîmekê cenazeyê şehîd Yasir El Casim li Goristana Şehîdan spart axê. Merasîm bi torana leşkerî ya Hêzên Ewlekariya Hundirîn dest pê kir.

Piştre hevserokê Meclisa Malbatên Şehîdan a Tebqayê Ebdulhekîm El Hisên axivî û soza şopandina xeta şehîdan da.

El Hisên anî ziman ku bi saya şehîdan ew bi aştî û aramî dijîn.

Hevserokê Komîteya Hundirîn a Rêveberiya Sivîl a Demokratîk a Tebqayê Riyad El Walî bal kişand ser nirxandinên Rêber Abdullah Ocalan ên derbarê şehîdan de û got: "Rêber Abdullah Ocalan dibêje, şehîd bi bend diçin, lê rihê wan zindî ye ku asîmanê me dixemîle, şehîd mûm in ku rêya azadiyê ji me re ronî dikin."

Piştî axaftinan nasnameya şehîd hat xwendin û radestî malbata wî hat kirin. Cenazeyê şehîd bi dirûşmeyan hat veşartin.

(bb)

ANHA