​​​​​​​Li Dêrazorê rewşa tenduristî hate nîqaşkirin

Meclisa Partiya Sûriya Pêşerojê li bajarokê Mihêmîdiyê yê li rojavayê Dêrazorê civînek li dar xist. Di civînê de endamên Meclisa partiyê ya rojavayê Dêrazorê, komîteya tenduristiyê, saziyên sivîl û gelek şênî beşdar bûn.

Di civînê de Serokê Meclisa Partiya Sûriya Pêşerojê ya Dêrazorê Samir El Şemerî bixêrhatina beşdaran kir û got divê mîna van civînan bi awayekî domdar bên lidarxistin, da ku dozên li herêmê bên nîqaşkirin û çareserî bên danîn.

El Şemerî wiha domand: "Aliyê tenduristiyê pir girîng e. Divê ji şêniyên herêmê re desteka guncaw û baladariyek bê pêşkêşkirin."

Di civînê de, beşdaran diyar kir ku divê rewşa tenduristî ya li rojavayê Dêrazorê bê başkirin û derman li navendên tenduristiyê zêde bin.

Civîn bi gelek pêşniyarên dê di çendên rojên bê de li ser werin xebitandin, bi dawî bû:

Çavdêriya li ser derman ji tevahî aliyan ve li ser dermanxane û nexweşxaneyan bê aktîfkirin.

Hevkarî bi Hêzên Ewlekariya Hundirîn re der barê mijara têkoşîna li dijî belavbûna dermanên hişbirê bê kirin.

Girîngiyê bidin anîna pisporiyên ji derveyî herêmên Rêveberiya Xweser.

(fr)

ANHA