​​​​​​​Partiya Sûriya Pêşerojê êrişa li Silêmaniyê şermezar kir

Partiya Sûriya Pêşerojê têkildarî mijarê daxuyaniyek nivîskî weşand.

Di daxuyaniyê de hat goti ku dewleta Tirk siyasetên xwe yên dijminane ku tevahî şêweyên îstîqrariya li Sûriyeyê û herêmê red dike, dewam dike û wiha dom kir: “Dewleta Tirk tevahî destek, şêweyên aştî û ewlehiya têkoşîna li dijî terorê hedef digire. Herî dawî jî bi rêya balafireke bêmirov a biçek Balafirgeha Navneteweyî ya Silêmaniyê ya Başûrê Kurdistanê hedef girt.”

Di daxuyaniyê êriş hat şermezarkirin û hat gotin: “Em şerê hikumeta Tirkiyeyê yê bi balafirên bêmirov, topbarana hovane û bê ser û ber, şerê klasîk ê leşkerî, şerê aborî, şerê avê, siyaseta dorpêçê û desteka şaneyên terorêst yê ji bo tunekirina projeya Rêveberiya Xweser a Bakur û Rojhilatê Sûriyeyê, şermezar dikin. Rêveberiya Xweser projeyek siyasî ya demokratîk e, hemû pêkhateyên civakê hembêz dike û dê ji bo hemû dosyayên bi girêk bibe çareserî.”

Partiyê di daxuyaniya xwe de bang li Koalîsyona Navneteweyî kir ku li dijî sûcên dewleta Tirk bi rêya qada hewayî ya Sûriye û Iraqê pêk tîne, gavên berçav biavêje, rê nede dewleta Tirk ku êrişên din djiî herêmê pêk bîne, piştgiriyê bide hemû hewldanên çareseriyê yên li gorî biryara 2254′an û biryarên navneteweyî yên têkildar.

(fr/c)