Merasîma salvegera Serhildana 12'ê Adarê bi dawî bû

Merasîma salvegera 19'emîn a Serhildana 12'ê Adarê bi maçeke di navbera tîma Cizîrê û tîma Dêrazorê bi dawî bû.

12 adar, 2023 15:29

QAMIŞLO

Merasîma salvegera 19ʹemîn a Serhildana 12'ê Adarê ya 2004'an vê sibehê bi beşdariya şêniyên herêma Cizîrê û Dêrazorê, nûnerên Rêveberiya Xweseriya Demokratîk a Herêma Cizîrê û Meclisa Sivîl a Dêrazorê û bi sedan nûnerên partiyên siyasî û saziyên sivîl, jinan û ciwanan li yarîgeha Şehîdên 12'ê Adarê dest pê kir.

Di merasîmê de hevserokê Meclisa Rêveber a Rêveberiya Xweseriya Demokratîk a Herêma Cizîrê Telat Yûnis, cîgirê hevseroketiya Meclisa Sivîl a Dêrazorê Fethî El Etûş, hevserokê Meclisa Malbatên Şehîdan a Qamişlo Mahsûm Hesen û berdevka Kongra Star Remziye Mihemed axivîn.

Di dawiya merasîmê de maçeke futbolê di navbera tîma herêma Cizîrê û tîma Dêrazorê de li dar ket. Tîma Cizîrê bi 2 li beramberî 1 bi ser ket. Her wiha çalakiyên werzîşên din wek ên karatê û taykwendo hatin pêşandan.

Bi heman boneyê û di heman saetê de maçek di navbera tîma Reqa û tîma Tebqayê de li yarîgeha Reş li dar ket.

(mh)

ANHA