​​​​​​​Şêniyên Til Birakê banga hesbpirsînê ji kujerên komkujiya duyemîn a Parîsê kir

Nivîsgeha Partiya Yekitiya Demokratîk (PYD) ya Til Berak a Qamişlo îro konê sersaxiyê ji bo şehîdên komkujiya Parisê ya duyemîn li avahiya partiyê veda.

Bi dehan şêniyên navçeyê, endamên saziyên sivîl, leşkerî û partiyên siyasî li konê sersaxiyê hazir bûn.  Biryar e ku kon 2 rojan dewam bike.

Rêveberiya Kongra Star a navçeya Til Birakê Rexed El Ehmed tevahî şehîdên azadiyê û şehîdên komkujiya Parîsê ya yekemîn û duyemîn bi bîr anîv û sûcê hovane şermezar kir.  Her wiha bang li rêxistinên hiqûqî û mirovahî kir ku tundiya li ser kurdan rawestînin û bang li hikumeta rojavayî kir ku dateyên vê sûcê terorîst eşkere bike.

Endama Hêzên Parastina Civakî ya Til Birakê Şeyma El Ehmed diyar kir ku ev cara hezarî ye ku dewleta Tirk tevahî qanûn û mîsaqên navneteweyî bin pê dike.

Şeyma El Ehmed destnîşan kir ku ew bang li gel dikin ku li dijî dijminên xweda û mirovahiyê bisekinin û hevgirtî bin.

Rêveberiyê Meclisa Til Birak Fewaz El Cedû komkujiya duyemîn a li dijî kurdan şermezar kir. Fewaz bang li hikumeta Fransa kir ku sûcdarê vê komkujiyê eşkere bike û radestî dadgehê bike.

Biryar e ku konê sersaxiyê heta roja duşemê dewam bike.

(dm)

ANHA