Meclisa Edaleta Civakî: Divê qada hewayî ya herêmê were girtin

Dozdgerê Serdozgeriya Giştî Ciwan Mihemed bi beşdariya endamên Meclisa Edaleta Civakî li pêşiya navenda Dîwana Edaleta Civakî ya Herêma Firatê daxuyanî xwend.

Di daxuyaniyê de hate gotin: "Ev zêdetirî 10 salan e ku gelê Sûriyê êş û azarên şerê heyî dikişîne û neçar maye ji malên xwe derkeve, li hemberî vê li şûna ku li gorî biyara Konseya Ewlehiyê ya NY`yê ya bi hejmara 2254’an çareserî ji vê krîzê re were dîtin, dewleta Tirk zêdetir xaka Sûriyê dagir dike û demografiya wê diguherîne.”

Di berdewama daxuyaniyê de ev hate destnîşankirin: "Di 2019`an de dewletên garatnor DYA û Rûsyayê peymana agirbêstê bi dewleta Tirk re îmze kir, lê ruxmî wê dewleta Tirk li dijî welatî û çalakgeran bi rêya balafirên bêmirov li pêş çavên cîhanê sûcên xwe didomîne."

Meclisê di dawiya daxuyaniyê de sûcên dewleta Tirk a dagirker ên Ii dijî sûriyan şermezar kirin û bang li civata navneteweyî, sazî û rêxistinên navneteweyî kir ku li hember dewleta Tirk bisekinin û çareseriyê ji aloziya Sûriyê re bibînin, her wiha qada hawayî ya Bakur û Rojhilatê Sûriyê bigirin. Her wiha meclisê bang li hikumeta Şamê jî kir ku parastina welatiyan bike.

(eh)

ANHA