Şêniyên Tirbespiyê bi meşekê piştgiriya xwe ji gerîla re nîşan da

Bi diruşma "Bi vîna gelan û gerîla em ê dagirkerî û îxanetê têk bibin" bi sedan şêniyên Tibespiyê ji bo şermezarkirina êrişên dewleta Tirk a dagirker ên li ser Bakur û Rojhilatê Sûriyê meşek li dar xist.

Beşdar li pêş navenda Kongra Star a li rojhilatê navçeyê kom bûn û pankartên "Bi vîna gelan û gerîla em ê dagirkerî û îxanetê têk bibin", alên QSD’ê û wêneyên şehîdan hildan.

Meş li sûka navendî geriya û li Qada Çerxerêya Azadî ya li bakurê navçeyê vegerî mîtîngê. Piştre li ser navê meclisa navçeya Tirbespiyê Noredîn Şakir axivî û da zanîn ku yekitiya pêkhateyan li Bakur û Rojhilatê sûriyê ji Kurd, Ereb û Suryan teror têk bir û wiha got: "Em ê dagirkeriya Tirk têk bibin, ji ber em di berxwedana xwe de xwedî doz û maf in."

Noredîn Şakir anî ziman ku dewleta Tirk a dagirker ne tenê pêkhateyekê hedef digire, lê belê tevahî pêkhateyan hedef digire, hewl dide xaka Sûriyê dagir bike û dîroka Osmanî û Mîsaqî Millî vegerîne. Lê ji ber ku dizane Tevgera Rizgariya Kurdistanê vîna gelan xurt dike û parastina wê dike, êrişî Zap û Avaşînê kir. Lê piştî bi bin ket êrişî Bakur û Rojhilatê Sûriyê dike."

Bi durişmên silavkirina QSD’ê meş bi dawî bû.

(fr)

ANHA