Ji bo şermezarkirina êrişên dewleta Tirk li Kobanê çalakiya konvedanê dest pê kir

Îro li Kobanê ji bo şermezarkirina êrişên dewleta Tirk a dagirker ên li ser bajêr û gundewarê wê, tevgerên ciwanan çalakiya konvedanê li dar xist.

CIWAN

16 ÇILE, 2022 12:55

KOBANÊ

Çalakiya konvedanê li ser bangewaziya Tevgera Ciwanên Şoreşger a Sûriyê û Yekitiya Jinên Ciwan a Herêma Firatê li qada şehîd Edîg hat lidarxistin.

Di destpêka çalakiyê de, Tevgera Ciwanên Şoreşger a Sûriyê û Yekitiya Jinên Ciwan a herêma Firatê daxuyanî da. Hevserokê tevgera ciwanan a herêma Firatê Mihemed Mehmûd daxuyanî xwend.

Di daxuyaniyê de wiha hat gotin: "Tevgera Ciwanan, bi rêya çalakiya konvedanê dixwaze dengê gelê herêmê ragihîne cîhanê ku ew êrişên dewleta Tirk a dagirker û çeteyên wê yên li ser Kobanê û Bakur û Rojhilatê Sûriyê red dikin."

Di daxuyaniyê de hat destnîşankirin ku tevgera ciwanan dê berxwedana xwe ya li hember timayên dewleta Tirk a dagirker berdewam bike.

Piştî bidawîbûna daxuyaniyê, şandeyên Meclisa Malbatên Şehîdan a Herêma Firatê, deste û gerînendetiyên Rêveberiya Xweser ên li Kobanê serdana konê çalakiyê kir.

Çalakî wê heta 3 rojan berdewam bike. Sibe wê du şande ji navçeyên Şêran û Çelebiyê serdana konê çalakiyê bikin.

(şx)

ANHA