Ji bo pêşxistina qada tenduristiyê li herêma Cizîrê biryarên girîng

Vê sibehê, civîna salê ya Desteya Tenduristî ya herêma Cizîrê bi beşdariya 100 nûnerên ji saziyên tenduristiyê yên herêmê û nûnerên ji Rêveberiya Xweser li navenda Mihemed Şêxo ya Çand û Hunerê ya Qamişlo dest pê kir. Di civînê de rewşa tenduristiyê ya herêma Cizîrê hat nîqaşkirin. Karên ku di 2021’an de pêk hatine û astengiyan li hember wan, bandorên girtina deriyên sînor li hember rewşên tenduristî û mirovî hatin destnîşankirin.

Civîn bi gelek biryarên girîng bi dawî bû. Ji wan biryaran;

-Destekdayîna navendên tenduristiyê erkên pêşîn ên Desteya Tenduristiyê ye.

-Alav û pêwîstiyên tenduristiyê yên li navendên tenduristiyê werin jimartin.

-Li gorî sazûmaniya rêxistinî xebat were kirin û rêbazê xîtabê di nav saziyên desteyê de were meşandin.

-Ji bo hemû navendên tenduristiyê bernameyeke bi arşîv were danîn.

-Li tevahî nexweşxaneyên herêma Cizîrê bernameyeke yekbûyî ya xebatê were danîn.

-Di navbera nexweşxaneyên leşkerî û Heyva Sor a Kurd de koordîne were zêdekirin.

-Karkerên desteya tenduristiyê di dewreyên perwerde, fikirî, rêvebertî û tenduristiyê re derbas bibin.

-Komîte bi yekitî, gerînendet û kantonan re werin avakirin ku ruxsetên hatine dayîn werin şopandin.

-Divê li tevahî navendên tenduristiyê sendoqên giliyan werin danîn û şopandin.

-Komîteyên şopandinê yên gerînendetiyan werin şopandin û piştevanî ji wan re ji bo xebatê werin dayîn.

(fr)