​​​​​​​' Divê lêpirsînek derbarê çekên kîmyewî yên dewleta Tirk de were vekirin'

Gefên dewleta Tirk ên êriş û dagirkirina herêmên din li Bakur û Rojhilatê Sûriyê, bikaranîna çekên qedexekirî li dijî HPG'ê li Herêmên Parastinê yên Medyayê, her wiha bombebarana li Kobanê di asteke mezin de cih girtin.

Têkildarî mijarê Hevserokê Komîteya Têkiliyên Giştî ya Tebqayê Îbrahîm El-Mihemed armancên dewleta Tirk eşkere kir.

 ‘ERDOGAN DIXWAZE ALOZIYÊN XWE YÊN SIYASÎ Û HUNDIRÎN DERXÎNE DEWLETÊN DIN‘

El-Mihemed wiha domand: "Erdogan dixwaze aloziyên xwe yên siyasî û hundirîn derxîne dewletên herêmî û destwerdana karûbarên wan dike. Binpêkirina herî dawî jî hedefgirtina sivîlan li Kobanê bi rêya balafireke bê mirov, topbarana li ser herêmên Eyn Îsa û Til Temirê ye. Li beramberî vê yekê jî em dibînin ku QSD`ê li gorî peymana agirbestê ya di sala 2019`an de hatiye îmzekirin tev digere."

Têkildarî bomebebarana li dijî sivîlan a Kobanê El-Mihemed got, Kobanê sembola yekemîn a berxwedana li dijî DAIŞ`ê ye ku destpêka tunekirina çeteyan nivîsand û wiha domand: "Destwerdana dewleta Tirk di wê demê de eşkere bû ku çete di sînorê xwe re derbasî herêmê kir û di êrişan de destek da wan, piştî rizgarkirina Kobanê binketina xwe îsbat kir û Kobanê veguherî paytexta berxwedanê."

Hiqûqnas Şadî El-Îbrahîmî got, dewleta Tirk hemû rêbazan bikar tîne da ku gelê herêmê bitirsîne, ji wan jî bikaranîna çekên qedexekirî li dijî HPG`ê ku parastina xak û gel li çiyayên Qendîlê dikin.

Şadî El-Îbrahîmî diyar kir ku siyasetên dewleta Tirk li herêmê nexasim îdiyaya wê ku parastina Îslamê dike gelê herêmê bi hêrs dike û got: "Ji ber vê yekê jî dixwaze her kesê li dijî wê disekine yan jî nêrîna wan dijberî ya wê ye qir bike, dîroka dewleta Tirk û osmaniyan tijî komkujî û qirkirine."

El-Îbrahîmî wiha domand: "Dewleta Tirk ji sala 1983`an ve êrişî gerîlayên HPG`ê dike. Fesfora spî li dijî gelên Bakur û Başûrê Kurdistanê bikar anî û di encama wê de bi dehan sivîl hatin kuştin. Dewleta Tirk îdiya kir ku fosfora spî ne ji çekên kîmyewî ye û li pêşiya platformên navneteweyî parastina xwe kir. Em hemû dizanin ku fosfora spî ji çekên kîmyewî ye û rêxistina qedexekirina çekên kîmyewî bikaranîna wê qedexe kir, tenê dema tê xwestin di tecrubeyan de tê bikaranîn. Gelek dewlet ji bo vê yekê hatin diyakririn û dewleta Tirk ne ji dewletên ku dikare vê çekê bikar bîne."

Hiqûqnas El-Îbrahîmî raporên hin rojnameyên cîhanî yên derbarê sûcên ku hatine kirin de bi bîr xist û ev tişt anî ziman: "Ev komkujî ji aliyê rojnameya Times a birîtanî û rojnameyên elmanî hate piştrastkirin. Yek ji pîlotên ku ew herêm bombebaran kir got ferman ji wan re hat ku çekên kîmyewî bikar bînin da ku wan herêman bişewitînin."

El-Îbrahîm da zanîn ku ku çekên kîmyewî li gel dewleta Tirk hene û pêş xistiye û got, Tirkiyê piştî ku peymana Lahayê îmze kir îdia kir ku çekên kîmyewî telef kirine, lê bûyerên ku rû didin gotinên wê derew derdixîne.

Hiqûqnas Şadî El-Îbrahîmî wiha dawî li axaftina xwe anî: "Divê civata navneteweyî û rêxistina qedexekirina çekên kîmyewî û rêxistinên mafên mirovan êrişên dewleta Tirk ên li dijî gelên Iraqê û Sûriyê bi dawî bikin lêpirsîneke adilane derbarê vê mijarê de vekin."

(dx)

ANHA