Şervanê Meclisa Leşkerî ya Minbicê Ramî El-Xelef hate oxirkirin

Cenazeyê şervanê Meclisa Leşkerî ya Minbicê Ramî El-Xelef li goristana Şehîdan a Minbicê hate veşartin.

NÛÇE

28 îlon, 2021 17:19

MINBIC

Şêniyên bajar û gundewarê Minbicê beşdarî merasîmê oxirkirina şervanê Meclisa Leşkerî ya Ramî El-Xelef bûn.

Karwan ji nexweşxanaya Firat ber bi goristana Şehîdan a başûrê bajêr ve kete rê. Ji ber biryara qedexeya kombûnê û tedbîrên pêşîgirtina li vîrusa Koronayê tenê hêzên leşkerî û malbatên şehîdan beşdarî merasîmê bûn.

Li goristanê merasîm bi rêzgirtin dest pê kir, her wiha toreneke leşkerî ji aliyê Meclisa Leşkerî ya Minbicê ve hate lidarxistin.

Di merasîmê de ji fermandarên Meclisa Leşkerî ya Minbicê Mihemed Ebû Elî wiha axivî: "Ev jiyan e û ev şoreşk bi rûmet e. Her roj em şehîdekî oxir dikin û her roj em şitlekî di vî bexçeyî de diçînin. Em soz didin hemû şehîdan ku em ê şopdarên rêya wan bin."

Paşê endama Meclisa Malbatên Şehîdan a Minbicê Hesna El-Dahir jî ev tişt got: "Neteweyek bêyî berdêlên şehîdan nikare azadî û rûmetê bidest bixe. Şehîd mertalê ku planên dijmin û sîxuran vala derdixin."

Hevseroka Meclisa Qanûnsaz a Minbicê Sîham Hemo jî destnîşan kir ku bi saya berdêlên ku şehîdan da herêm bi aramî û ewlehî dijî û diyar kir ku ew amade ku li hember her êrişên li ser xaka wan bisekinin.

Paşê wesîqeta şehîd ji aliyê endamê Meclisa Malbatên Şehîdan a Minbicê Mehmûd Ebû Îdo ve hate xwendin û radestî malbata wî hate kirin.

Di dawiyê de cenazeyê şehîd di nava dirûşme û tilîliyan de hate oxirkirin.

(bx)

ANHA