Civîna Bexdayê bi daxuyaniyekê bi dawî bû

Li paytexta Iraq Bexdayê, civîna welatên cîran bi amadebûna nûnerên Erebistana Siudiyê, Kuwêt, Tirkiye, Urdun, Amerîka û Fransa pêk hat. Piştî civînê Wezîrê Derve yê Iraqê Fûad Hisên di civîna çapemeniyê de daxuyaniya civînê xwend.

Di daxuyaniyê de wiha hate gotin: “Pêwîste hewldanên herêmî û navneteweyî ji bo aramiya herêmê werin dijwarkirin. Di heman demê de pêşengiya Iraqê ya ji bo gihîştina zemînek hevbeş a li ser asta herêmî û naventewyî gelek nirxdare.

Lidarxistina civîna Bexda belgeyeke ku Iraq li ser siyasetek hevbeş û hevkarîkirina erênî ya di warê peywendiyên derve re girêdaye. “

Her wiha amadebûyên civînê li ser vê yekê bi israrbûn ku hikumeta Iraqê bi armanca bihêzkirina saziyên dewletê û lidarxistina hilbijartinek ku nûnertiya xwesteka gel bike hewldanên xwe zêdetir bike.

Di heman demê de herêm rastî çend aloziyan hatiye û divê li ser bingeha astek hevbeş û berjewendiyane nêzî vê rewşê bibin .

Her wiha li ser avakirina Iraqê û têkoşîna bi terorê  re jî beşdarên civînê piştgiriya xwe ya ji bo hikumeta Iraqê dubare kiriye.

Û  ji bo rewşa avhewayê hemû alî ji bo alîkarîkirinê li hev kirin. Wê bi hev re li hemberî guhertinên avhewayê û pileya germê têkoşînê bikin.

ROJ NEWS