​​​​​​​Şervanên Meclisa Leşkerî ya Minbicê: Em rê nadin dijminan ku ewlehî û aramiya bajarê me têk bibin

Artêşa Tirk û çeteyên wê rojane gundewarê bakur û rojavayê Minbicê bi çekên giran topbaran dikin, di encamê de ziyanên madî û canî çêdibin.

Şervanên Meclisa Leşkerî ya Minbicê li eniyên şer parastina welatiyan ji êrişên çeteyên dagirkeran dikin. Şervanên li gundê Ereb Hesen ê 22 km dikeve bakurê rojavayê bajarê Minbicê diyar kirin ku ew ê rê nedin dagirkeran ku ewlehî û aramiya bajarên wan têk bibin.

ꞌHETA KÊLIYA DAWÎ EM Ê LI ENIYÊN PARASTINÊ LI BER XWE BIDINꞌ

Şervanê Meclisa Leşkerî ya Minbicê Hisên Ewnî diyar kir ku topbarana dagirkeriya Tirk di saetên derengiya şevê yan jî berbanga sibehê de dest pê dikin û got, armanca topbaranê tirsê bixe nav sivîlên li xetên şer dimînin.

Ewnî destnîşan kir ku dagirker bi çekên giran êriş dike û mal û milkên sivîlan dikin armanc.

Ewnî got: "Dewleta Tirk rojane bi çekên giran êrişî gundên tije sivîl dike, li hemberî vê yekê em şervanên Meclisa Leşkerî ya Minbicê heta dawiya jiyana xwe li eniyên şer parastina sivîlan û destkeftiyên şehîdan bikin."

ꞌEM ŞOPDARÊN RÊYA ŞEHÎDAN INꞌ

Şervanê bi navê Mehmûd Hesen anî ziman ku dewleta Tirk a dagirker rêzê ji hurmeta sivîlan li xetên pêş ên şer dijîn nagire, bi şev û bi roj wan bi topên hawinan dike armanc, ji ber vê yekê zirarên madî dighêjin milkên wan.

Mehmûd Hesen da zanîn ku ew ê heta dawiyê li eniyên pêş bin, rê nedin dagirkeran ku ewlehî û aramiya bajarê têk bibe.

Di dawiyê de şervan Mehmûd Hesen diyar kir ku ew şopdarên rêya şehîdan a parastina rûmeta welat in.

(eh)

ANHA

<iframe width="560" height="315" src="https://www.youtube.com/embed/oiFhL-e-FR4" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture" allowfullscreen></iframe>