Li Hesekê çalakiyên meha çandê bi dawî bûn

Tevgera Mezopotamya di çarçoveya hemleya xwe ya piştgiriya ji çand û hunerê re û bi dirûşmeya "Dem dema azadiyê ye" li bajar û navçeyên herêma Cizîrê çalakiyên hunerî pêşkêş dike.

Çalakiyên çand û hunerê 9`ê Tîrmehê bi dirûşmeya"Bi çand û hunera neteweya demokratîk em ê dagirkeriyê têk bibin û serkeftinê misoger bikin" dest pê kirin û dê heta 26`ê Tîrmehê berdewam bikin.

Li Navenda Xabûr a Çand û Hunerê ya Hesekê Tevgera Mezopotamya di roja sêyemîn û dawî de li bajarê Hesekê sinivîzyonek der barê Berxwedana Şehîdên 14`ê Tîrmehê ya di girtîgehên Amedê de hate meşandin pêşanda, her wiha filimê "Ji bo azadiyê" ku îşaretê bi berxwedana Sûrên Amedê dike û berxwedana Yekîneyên Parastina Sivîl a li Sûrê ya bajarê Amedê ku li hemberî êrişên dagirkeriya Tirk meşandin, pêşkêş kir.

Bi dehan endamên Tevgera Çand û Hunerê, endamên saziyên sivîl û bi dehan şêniyên bajarê Hesekê beşdarî çalakiyê bûn.

Di dawiyê de endama rêveber a Komîteya Çand û Hunerê Efaf Heskê axivî û wiha got: "Armanc ji hemleya çand û hunerê, ew e ku çand û mîrasa herêmê di çarçoveya hemleya "Dem dema azadiyê ye" de biparêzin."

(eh)

ANHA