Minbicê şehîdekî xwe oxir kir

Ji ber qedexeya giştî ya li bajarê Minbicê hatiye ferzkirin, malbata şehîd Merî Hesen, endamên Meclisa Malbatên Şehîdan û şervanên Meclisa Leşkerî ya Minbicê beşdarî merasîma oxirkirinê bûn.

Di merasîmê de toraneke leşkerî ji aliyê şervanên Meclisa Leşkerî ya Minbicê ve hate lidarxistin. Piştre ji fermandarên Meclisa Leşkerî ya Minbicê Ebdulrehman El-Benawî soza şopandina rêya şehîdan da û wiha axivî: "Em ê rizgarkirina vê xakê ji terorîstên ku hewl didin fitneyê derxin û aramî û îstiqrarê têk bibin, bidomînin."

Piştre endama Meclisa Malbatên Şehîdan Cemîle Îbrahîm wesîqeya şehîd xwend û radestî malbata wî kir. Cenazeyê şehîd di nava tilîliyên dayîkan de hate veşartin.

Endamê Meclisa Leşkerî ya Minbicê Merî Hesen Teqtûq duh dema ku erka xwe ya leşkerî li rojavayê bajarê Minbicê pêk dianî di encama mayînekê de şehîd bû.

(cx)

ANHA

<iframe width="560" height="315" src="https://www.youtube.com/embed/0ihmFpb05QI" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture" allowfullscreen></iframe>