Bi boneya Newrozê li goristanên şehîdan ên Bakur û Rojhilatê Sûriyê mûm hatin pêxistin

TIRBESPIYÊ

Bi dehan ji pêkhateyên navçeya Tirbespiyê serdana Goristana Şehîd Dilşêr a li gundê Dogir kir û mûm pêxistin.

Piştre dayikên şehîdan agirê Newrozê li goristanê pêxist û bavê şehîd Tirbespiyê, Hac Ferhan Newroz li rêber Abdullah Ocalan, malbatên şehîdan û tevahî gelên Bakur û Rojhilatê Sûriyê pîroz kir.

Hac Ferhan piştrast kir ku ew malbatên şehîdan di şopandina rêça şehîdên xwe heta rizgarkirina tevahî xakên dagirkirî de, berdewam in.

DÊRIK

<iframe width="560" height="315" src="https://www.youtube.com/embed/S7UoDonE6Vo" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture" allowfullscreen></iframe>

Girêdayî mijarê, malbatên şehîdan ên Dirêkê mûm li ser gorên şehîdên xwe li Goristana Şehîd Xebat Dêrik bi boneya Newrozê pêxistin.

Meclisa Malbatên Şehîdan a Dêrik, malbatên şehîdên ên ji Dêrik û Girkê Legê û herêma Koçerat berê xwe da Goristana Şehîd Xebat Dêrik û mûm li ser gorên şehîdên xwe pêxistin.

Têkildarî mijarê, Ciwanên Şoreşger  meşeke meşaleyî bi boneya Newrozê li dar xist, her wiha Ciwanên Şoreşger li pêş Navenda Şehîd Bawer a Ciwanan kom bûn û bi meşê li tevahî kolanên bajarê Dirêk gerîn,  tevî wê jî diruşmên bi banga azadiya rêber Ocalan û pîrozkirina gel a Newrozê re, hildan.

Meşvan piştî meşê, careke din vegerîn ber Navenda Ciwanên Şoreşger da ku şahiya Newrozê li dar bixin.

(fr)

ANHA