50 partî û rêxistinan têkildarî Şengalê daxuyaniyeke hevpar da

50 sazî û rêxistinên Kurdan têkildarî gefên hikumeta Iraqê yên destwerdana li Şengalê, daxuyaniyek da. Saziyan diyar kir ku êrişkariya li dijî Şengalê dê aloziyê mezintir bike.

12 adar, 2021 12:01

NAVENDA NÛÇEYAN

50 sazî û partiyên Kurdan derbarê gef û êrişên li ser Şengalê de daxuyaniyeke nivîskî da. Di daxuyaniyê de hate destnîşankirin ku êrişên li ser Rêveberiya Xweser a Şengalê, êrişên li dijî YJŞ/YBŞ, Asayîşa Êzidxanê û saziyên îradeya azad a Şengalê ne û ev êriş li dijî tevahiya gelê Kurd in.

Di daxuyaniyê de hate gotin: “Di 9’ê Cotmeha 2020’an de li dijî civaka êzidî û warê wan ê pîroz Şengalê, bi hevkariya rejîma faşîst a Erdogan, PDK û hikumeta Kazimî peymanek hate îmzekirin. Ev peyman ji bo rakirina destkeftiyên civaka êzidî ji bo rakirina fermaneke nû bû. Tevî nerazîbûna tevahiya civaka êzidî û gelê Kurdistanê jî bi dijwarî xistin meriyetê.”

Di daxuyaniyê de berxwedana 5 mehên dawîn a civaka êzidî û gelê Kurd hate bibîrxistin û bang li rêveberiyên Hewlêr-Bexdayê hate kirin ku lihevkirina ne di berjewendiyên civaka êzidî, Kurdistan û Iraqê de ye, betal bikin.

Saziyan destnîşan kir ku bicihanîna vê peymanê, bicihanîna siyaseta Erdogan û Osmanîtiya Nû ye û wiha dewam kir: “Êrişên li ser Şengalê, Bakur, Rojava û Başûrê Kurdistanê bi armancekê tên kirin, ji hev du qut nîn in. Dewleta Tirk bi “fetihkirina” Şengalê dixwaze tevahiya Kurdistanê fetih bike.”

Di daxuyaniyê de berxwedana birûmet û dîrokî ya civaka êzidî hate silavkirin û wiha hate gotin: “Em bi hemû hêza xwe li civaka êzidî û berxwedana wan a ji bo rûmeta Kurd û Kurdistanê xwedî derdikevin.”

Saziyan bang li gelê Kurd û kurdistaniyan kir ku ji bo Şengalê li ser pêyan bin û got: “Heta ku Şengal û civaka êzidî aram û ewle bibe, divê rojeva me Şengal be. Ewlehî û aramiya Kurd û Kurdistanê ji Şengalê re derbas dibe.”

Di dawiya daxuyaniyê de bang li PDK û hikumeta Hewlêrê jî hate kirin ku dest ji “siyaseta xwe ya bêoxir” berdin û wiha hayte gotin: “Êdî bes Şengalê û civaka êzidî bikin hedef ji hêzên dagirker re. Tiştên ku hûn bi navê kurdîtiyê dikin, ji bo Kurd û Kurdistanê rûreşî ye. Dev ji vê rûreşiyê berdin.”

Sazî û partiyên daxuyanî daye, ev in:

YNK (Yekitiya Nîştimanî ya Kurdistan)

Tevgera GORAN

KCDK-E (Kongra Civaka Kurdistaniyan-Ewropa)

TJK-E (Tevgera Jinên Kurdistanê-Ewropa)

Partiya Şûî Kurdistan- Başûr

Kongreya Star

Partiya Zehmetkêşan – Başûr

PADÊ (Partiya Azadî û Demokrasiya Êzidiyan)

Tevgera Azad

PYD (Partiya Yekitiya Demokratîk)

P.D.K.S (Partiya Demokrat a Kurdî ya Sûrî)

Partiya Çep a Kurd li Sûriyê

Tevgera Nûjen ya Kurdistanî-Sûriyê

PÇDKS (Partiya Çep a Demokrat a Kurd li Sûriyê)

Partiya Demokrat a Kurd li Sûriya (El-Partî)

Partiya Çep a Demokrat li Sûriyê

Partiya Rêkeftin a Kurd li Sûriyê

Partiya Çaksaziya Kurd li Sûriyê

Partiya Kesk a Kurdistanî li Sûriyê

Partiya Demokrat a Kurdistanî li Sûriyê

Partiya Komunîst a Kurdistanî li Sûriyê

PÎK (Partiya Îslamî ya Kurdistan)

KKP (Partiya Komunîst a Kurdistan)

Tevgera Kawa

PJAK (Partiya Jiyana Azad a Kurdistan)

Yekitî Şoreşgerî Kurdistan

KODAR (Civaka Demokratîk û Azad a Rojhilatê Kurdistan)

KJAR (Civaka Jinên Rojhilatê Kurdistanê)

Platforma Horam

Plattforma Zagros

Plattforma Yarsan

Yarî Kurd

Partiya Dimokrati Pêşvero kurdi Li Sûrîyê

Tev-Çand (Tevgera Çand û Hunera Kurd)

Kurdische Gemeinde Stuttgart e.V

FEDA ( Federesyona Elewîyên Kurdistan)

NAV – YEK (Federasyona Komelên Êzidiyan)

Kurdische Zentrum Berlin

CÎK (Civaka Îslamî ya Kurdistan)

Enstîtuya Kurdî – Almanya

Enstîtuya Kurdî – Bruksel

MŞD ( Meclîsa Şingal a Derveyî Welat)

YMK ( Yekîtîya Mamostayên Kurdistan)

YES (Yekitiya Êzdiyên Sûri

Kurdisch Gemeinde Brandenburg – Berlîn

Dachverband der Êzidischen Frauenräte

DKF (Deutsch-Kurdisches Forum) e.V Dresden

Kongreya Gel a Mezopotamyayê

Partiya Azadiyê ya Mezopotamyayê

Kurdistan Human Rights Association