Ciwanên şoreşger ên Hesekê li dijî êrişên dagirkeriyê seferberî ragihand

KCK’ê duh daxuyaniyek der barê êrişên artêşa Tirk a dagirker ên li dijî herêma Garê ya Başûrê Kurdistanê da û tê de bang li gelê Kurd kir ku li dijî êrişên dewleta Tirk a dagirker ên li dijî Garê serî hilde û tev li pêngava têkbirina dagirkeriyê bibin.

HPG’ê der barê êrişan de daxuyaniyeke da û tê de got hêzên wan bersivda êrişên helîkopterên şer da û neçar kir ku ji herêmê bi paş de vekişin.

Girêdayî mijarê, Tevgera Ciwanên Şoreşger û Yekitiya Jinên Ciwan a Hesekê li dijî êrişên li Garê seferberî ragihand.

Bi dehan endamên Tevgera Ciwanên Şoreşger û Yekitiya Jinên Ciwanê, bi hildana alên tevgerê û yekitiyê li Parka Apo ya li taxa Nasira kom bûn ku daxuyaniyekê bidin.

Endama rêveber a Yekitiya Jinên Ciwan Amine Mizel daxuyanî xwend û wiha tê de hate gotin:

"Ji ber êrişên hovane yên li dewleta Tirk a dagirker ên li ser çiyayên Garê û hevkariya hikumeta Başûrê û hikumeta Bexdayê ya ji van êrişên li ser hevreyên me yên gerîla, em wek  Ciwanên Şoreşger û Yekitiya Jinên Ciwan a Hesekê tev li seferberiya ku Tevgera Ciwanên Şoreşger û Yekitiya Jinên Ciwanên li Bakur û Rojhilatê Sûriyê di 10’ê vê mehê de ragihandiye, dibin.

Em li hember êrişên dewleta Tirk a faşîst ên li dijî tevahî herêmên me amade ne , bila tevahî komplogerên li dijî yekitî û berxwedana me bizanin ku em li rex leheng û qehremanên xwe yên li çiya ne."

Daxuyanî bi diruşmên sivlavkirna berxwedana gerîlayên li çiyayên Kurdistanê û şermezarkirina êrişên dagirkeriya Tirk bi dawî bû.

(fr)

ANHA