Li Yemenê sûcên Hûsiyan ên li dijî welatiyan didomin

Navenda Tez a hiqûqî îro ragihand ku Hûsiyan gelek sûc li dijî yemeniyan pêk anîne û ser malên welatiyên li herêma Hîmeyê de li bakurê Tezê girtine. Her wiha ji bo rawestandina van sûcan, banga destwerdaneke navneteweyî hate kirin.

9 ÇILE, 2021 12:31

NAVENDA NÛÇEYAN

Navendê diyar kir di encama sûcên komên Hûsiyan de yên li herêmên El-Himye ya li bakurê parêzgeha Tezê li başûr rojavayê Yemenê 8 sivîl hatin kuştin û 24 sivîlên din jî birîndar bûn.

Navendê di daxuyaniyekê de êvara înê da zanîn ku li gel ku komên Hûsiyan ji çarşemê ve gundên El-Fodeyê, El-Menzêl, Şeb El-Melîha, El-Xizîa û El-Saîle yên li herêmên El-Himye dorpêç kirine, hemleyek bi tevlêbûna bi dehan tîman, panzêr û tankan li dijî wan herêman da meşandin.

Navendê diyar kir ku di encama wan êrişan de, welatiyê bi navê Mihemed Edil Litif li pêşiya malê xwe ya li gundê El-Fodeyê hat kuştin û 13 sivîlên din jî birîndar bûn. Bi van daneyan re hejmara kuştiyan gihaşt 8 kesan di nav de jin û zarok hene û û 24 sivîl birîndar bûne ku piraniya wan jin in.

Li gorî daxuyaniyê, komên Hûsiyan bi ser 63 malan de girtin ji wan 55 malên li gundê El-Menzil in, di encamê de 45 welatî revandine. Her wiha opresyonên serdegirtin û revandinê berdewam in.

(dm)