Li Reqayê navendeke werzîşê hate vekirin

Hêzên Ewlekariya Hundirîn a Reqayê mezintirîn navenda werzîşê li ser asta Bakur û Rojhilatê Sûriyê li gel parka zarokan a li naverasta Reqayê vekir. Navend bi navê "Şehîd Edhem" e yê ku li Reqayê şehîd bûye.

NÛÇE

16 cotmeh, 2020 16:07

REQA

Bi armanca pêkanîna pêngaveke nimûne li ser asta werzîşê li Reqayê, naveneke werzîşê ya mezin hat vekirin. Di vekirina navendê de girseya şênî, endamên rêveber ên Hêzên Ewlekariya Hundirîn a Cizîrê û Reqayê, hejmarek lîstokvanên tîma Hêzên Ewlekariya Hundirîn a Reqa û Cizîrê, endamên saziyên sivîl amade bûn.

Piştî deqeyeke rêzgirtinê ya merasîna vekirina navendê, endamê rêveber ê tîma basketbolê ya Reqayê Mihemed Salim bi xêrhatina beşdaran kir û got ew vekirina vê navendê diyarî giyanê şehîdaên têkoşîna azad û rûmetê dikin.

Di avahiya Şehîd Edhem de, hola werzîşê ya xurtkirina gewdeyan heye. Tê de alavên werzîşê û rahênanên pispor li ser asta herêmê hene. Her wiha di avahiyê de yarîgeha werzîşê bi dirêjahiya 105 û kêmberiya 60 metre, hola goka destan û zembîlê heye. Ev avahî amade ye ku ciwanên bajarê Reqayê ji xort û keçan pêşwaz bike.

Merasîma vekirina bi maçekê fubolê di navbera tîma Hêzên Ewlekariya Hundirîn a Reqayê û tîma Asayîşê ya herêma Cizîrê bi dawî bû.

(fr)

ANHA