Êrişên dewleta Tirk ên li dijî Heftenînê li Dirbêsiyê hatin şermezarkirin

Bi pêşengtiya Kongreya Star a navçeya Dirbêsiyê, meşek ji bo şeremzarkirina êrişên dewleat Tirk a dagirker ên li ser herêma Heftenînê û Herêmên Parastinê yên Medyayê hate lidarxistin. Bi sedan şêniyên navçeyê beşdarî meşê bûn.

Meş ji pêşiya navenda Tevgera Ciwanên Şoreşger dest pê kir û li kolanên sereke dewam kir. Di meşê de alên Kongreya Star û posterên Rêber Abdullah Ocalan hatin hildan. Her wiha pankartên "Ji bêdengiya navdewletî ya li hemberî sudden dewleta Tirk a faşîst ên li dijî gelê Kurd re na", "Faşîmza dewleta Tirk gefê li ewlehiya cîhanê dixwe" û "Bi hev re em li dijî terorê bisekinin" hatin vekirin.

Meşvanan diruşmeyên şermezarkirina êrişên dewleta Tirk ên li ser Başûrê Kurdistanê û silavkirina berxwedana Heftenînê berz kirin.

Meş li ber navenda Kongreya Star rawestiya û deqeyeke rêz hate girtin. Endama rêveber a Kongreya Star a kantona Hesekê Zeyneb Murad êrişên dewleta Tirk a dagirker ên li ser Heftenînê şermezar kir û got: "Li gel êrişên dewleta Tirk ên li ser Başûrê Kurdistanê, em dibînin ku serokê hikumeta Başûrê Kurdistanê Nêçîrvan Barzanî diçe Tirkiyê û hevdîtinê bi Erdogan re dike."

Zeyneb diyar kir "Tirkiyê PKK'ê dike hincet da ku Başûr û Rojavayê Kurdistanê û tevahî Rojhilata Navîn dagir bike."

Zeyneb Murad bêdengiya civaka navdewletî ya li hemberê êriş û zêdegaviyên dewleta Tirk şeremzar kir.

Mîtîng bi berzkirina diruşmeyên silavkirina berxwedana Heftenînê bi dawî bû.

ANHA

<iframe width="560" height="315" src="https://www.youtube.com/embed/fwDaffXsPxk" frameborder="0" allow="accelerometer; autoplay; encrypted-media; gyroscope; picture-in-picture" allowfullscreen></iframe>