'Li dijî peymana Misir-Yewnanistanê, dewleta Tirk  hemleya Îxwan Muslimîn bi rê ve dibe'

Li gorî rojnameya El-Ereb News a Erebistana Siûdî ku bi zimanê îngilîzî weşanê dike, hemle piştî ku Wezareta Derve ya dewleta Tirk ragihand ku lihevkirina di navbera Qahîre û Atînayê de "ne rewa ye" dest pê kir.

Hemleya dewleta Tirk-Îxwan Muslimîn li gel kolandina dewleta Tirk li rojhilatê Deryayê Spî ji bo vedîtina jêderên enerjiyê hate destpêkirin.

Berdevkê wezareta Misirê Ehmed Hafiz li ser hesabê xwe ya Twitterê got: “Gelek ecêb e, aliyê ku lihevkirin û detayên wê nizane, mîna van daxuyanî û îdiayan derxe.”

Piştî daxuyaniya dewleta Tirk koma Îxwan Muslimîn dest bi rêzeêrişan li ser malperên tevan ên civakî kir. Komê lihevkirin rexne kir û Misir bi plankirina komployan li dijî dewleta Tirk tawanbar kir.

Bi dehan malperên tevna civakî yên girêdayî Koma Îxwan Muslimîn bi rêya belavkirina rapor û wêneyên nerast êrişî lihevkirinê kir.

Pispor û rayedarên cuda propagandayên malperên tevna civakî yên ku îdia dikin ku lihevkirina di navbera Misir û Yewnanistanê de rê daye ku xeta lûleyên gazê yên Îsraîlê East Med gazê bide Ewropayê, derewandin.

(şx)