Salvegera Şoreşa Rojava li Şehbayê hate pîrozkirin

Bi beşdarbûna bi sedan şêniyên kantona Efrîn û Şehbayê salvegera 8'an a Şoreşa 19'ê Tîrmehê bi meşekê hate pîrozkirin.

Meşa bi pêşengiya Meclisa navçeya Ehdasê ya kantona Şehbayê hate lidarxistin,  ji deriyê têketina navçeyê dest pê kir û li kolanên sereke yên navçeyê dewam kir.

Di meşê de wêneyên şehîdan û pankêrtên "Bi rihê 14 û 19'ê Tîrmehê em ê asta berxwedanê bilind bikin û Efrînê rizgar bikin", hatin hildan û diruşmeyên silavkirina Şoreşa Rojava û dilsoziya bi şehîdan re hatin qîrkirin.

Meş li qada navçeya rawestiya. Piştî deqeya rêzgirtinê endamê meclisa navçeya Ehdasê Ehmed Mûsa salvegera Şoreşa Rojava li xelkê Rojava û tevahî gelên azadîxwaz û demokrasîxwaz pîroz kir.

Mûsa diyar kir ew berxwedana Rojava hêza xwe ji berxwedana 14’ê Tîrmehê digire û wiha got:" Berxwedana 14’ê Tîrmehê bingeha berdewamiya me. Em hêz û îradeya ya xwe xurt ji şehîdan digirin ên ku Şoreşa Rojava parastin."

Her wiha endama Kongereya Star a kantona Efrînê Gulê Mihemed got, Şoreşa Rojava gel ji zilma ji rêjîma Suriyê rizgar kir.

Mîtîng bi dirûşmeyên pîrozkirina Şoreşa Rojava, dilsoziya bi şehîdên şoreşê û şermezarkirina êrişên dagirkeran ên li ser ser herêmên Bakur û Rojhilatê Sûriyê bi dawî bû.

(rm)

ANHA