PYD'ê bi şêniyên Helebê re civiya

Bi diruşmeya "Bi yekitiya demokratîk em ê dagirkeriyê têk bibin, Rêveberiya Xweser pêş bixin û Sûriyeke demokratîk ava bikin" Partiya Yekitiya Demokratîk (PYD) bi şêniyên taxên Şêxmeqsûd û Eşrefiyê yên Helebê re civiyan. Civîn bi armanca danasîna girîngiya kongreya 8'an û biryarên ku hatin girtin, hate lidarxistin.

Civîn bi deqeyeke rêzgirtin dest pê kir. Endam Meclisa PYD'ê Raperîn Helebî girîngiya lidarxistina kongreya 8'an a partiyê diyar kir û got: "Kongrê pêngaveke nû ber bi sepandina azadî, parastina destkeftiyên gelê me û mîsogerkirina mafên wê ye. Doza sereke li Sûriyê pêkanîna sîstemeke demokratîk û ne navendî ye, ku mafên gelê Kurd û pêkhateyên din di destura Sûriyê de mîsoger bike."

Raperîn diyar kir ku xeteriya DAIŞ'ê hîna bi dawî neûye, têkoşîna li dijî wê pêwîstiyek e û wiha domand: "Dewleta Tirk a dagirker û çeteyên wê demografiyaya herêmê diguherin, ji bo projeya DAIŞ'ê temam bikin sûcên der mirovî pêk tînin û ewlehiya herêmê xirab bikin. Ji ber wê rizgarkirina herêmê ji dagirkeriyê armanca sereke ya xebatê me y e."

Raperîn Heleb, bal kişand ser rola pêşeng a jin di PYD'ê de û got: "Armanca partiyê pêkanîna wekheviyê di navbera herdu zayendan de, rizgarkirina jin û mêr da ku malbateke demokratîk û civakeke demokratîk were avakirin."

Raperîn di dawiya axaftina xwe de rola partiyê di avakirina civakeke rêxistinkirî, zane û rizgarkirî destnîşan kir û got: "Pêngavên rêxistinkirinê dê dewam bike heta tu kes bê rêxistin nemîne. Ji ber ku civaka rêxistinkirî dê karibe nasname, xak û nirxên xwe biparêze."

Di dawiya civînê de biryarên kongreya 8'emîn a partiyê hatin xwendin.

ANHA