Rêveberiya Minbicê dest bi danîna konan li kampa koçberên Idlibê kir

Rêveberiya Sivîl  a Demokratîk a bajarê Minbic û gundewarê wê piştî berf hiliya dest bi danîna konan li kampa Cedîdet El-Himir a taybet bi koçberên ji bajarê Idlibê kir.

Xebatên amadekariyên kampê 27‘ê Çileyê li gundê Cedîdet El-Himir ê 26 km dikeve rojavayê bajarê Minbic dest pê kir. Firehiya kampê de 10 hektar e.

Ji ber berfê û rewşa hewayî ya sar xebatên temamkirina kampê li gorî hatibû plankirin dereng ma, lê îro dîsa berdewam kir.

Li gorî daxuyaniyên berê yê Hevserokê Meclisa Rêveber a Rêveberiya Sivîl a Demokratîk a bajarê Minbic û gundewarê wê Mihemed Xêr Şêxo, kampa taybet a koçberên ji Idlibê dê 16‘ê vê mehê ji bo pêşwazîkirina koçberan hazir be.

Hêjaya bi bîrxistinê ku 135 malbatên idlibî derbasî bajarê Minbicê bûne û li kampên rojhilat û rojavayê bajêr, bajarokê Erîma û gundên girêdayî wê belav dibin. Hejmara koçberên ji bajarê Idlibê ber bi herêmên Bakur û Rojhilatê Sûriyê ve zêde dibe.

Fermandariya Giştî ya QSD‘ê ji bo koçberên Idlibê daxuyanî dabû û ragihand ku deriyê wan li pêşiya koçberên ji Idlibê vekirî ye.

ANHA

<iframe width="560" height="315" src="https://www.youtube.com/embed/Q62VBAA_hE0" frameborder="0" allow="accelerometer; autoplay; encrypted-media; gyroscope; picture-in-picture" allowfullscreen></iframe>