Li Tebqayê sersaxiya malbata şehîd Mihemed Selame

Îro şandeyek ji şêniyên bajarê Tebqayê bi beşdariya endamên komîteyên Rêveberiya Sivîl a Demokratîk a herêma Tebqayê, Meclisa Malbatên Şehîdan û Meclisa Leşkerî ya Tebqayê sersaxiya malbata şehîdê Meclisa Leşkerî ya Tebqayê Mihemed Selame (Nemir Tebqawî) kir. Merasîma sersaxiyê li gundê Hûra yê li bejahiya bajarê başûr-rojhilatê Tebqayê li dar ket.

Di merasîma sersaxiyê de, hevserokê Meclisa Malbatên Şehîdan a Tebqayê Mûsa Osman bal kişand ser qurbaniyên ku lehengên QSD’ê li eniyên şer ên li dijî dewleta Tirk a dagirker, DAIŞ û Cebhet El-Nusra de dane û soz şopandina rêça şehîdan û berxwedana li hember dagirkeriyê da.

Ji aliyê xwe ve jî cîgirê hevserokatiya Komîteya Têkiliyên Giştî ya Rêveberiya Sivîl Cemal Nihêtir piştrast kir ku dijminatiya dewleta Tirk, tevahî qanûn û mîsqaên navdewletî bi dagirkirina parçeyên ji dewleteke dîtir bin pê kirin û bang li civaka navdewletî kir ku sînorekê ji binpêkirina dewleta Tirkiyê re deynin û dagirkeriyê bi dawî bikin.

Şehîd Mihemed Selame di dema derbasbûna artêşa dewleta Tirka dagirker û çeteyê wê DAIŞ û Cebhet El-Nusra ya derdora bajarokê Eyn Îsayê bi çend rojan şehîd bûbû.

 (fr)

ANHA