PYD‘ê di civînekê de banga avakirina yekitiya kurdî kir

Buroya Partiya Yekitiya Demokratîk (PYD) ya navçeya Dirbêsiyê civîna xwe ya salane lidar xist. Civîn li hola civînan a navenda Çand û Hunerê hate lidarxistin. Endamên partiyên yên navnada navçeyê û gundên wê beşdarî civînê bûn.

Civîn bi deqeyeke rêzgirtin destpê kir. Endamê PYD‘ê yên navçeya Dirbêsiyê Rûbar Sebirtî rewşa siyasî nirxand û ev tişt anî ziman: "Di sala derbasbûyî de û heta niha artêşa dewleta Tirk a dagirker û çeteyên wê Cebhete El-Nusra û DAIŞ‘ê êrişî herêmê dikin, li pêşberî çavê rêxistinên mirovî û navdewletî û li dijî gelên herêmê komkujî pêk anîn û xêr û bêra herêmê talan kirin."

Sebirtî got, dewleta Tirk a dagirker xwest bi êrişên xwe fikrê netewa demokratîk bikin hedef û hewl dide serdama Osmanî zindî bikin ku tevahî herêm dagir kiribûn.

Sebirtî, bal kişand ku gelên Bakur û Rojhilatê Sûriyê di berxwedana li dijî balafirên artêşa Tirk a dagirker de  ji cîhanê re girêdan û hezkirina xwe ya bi xaka xwe ve îsbat kirin û got: "Tirkiyê ji bo ku krîza xwe ya navxweyî veşêre û êrîş herêmên me kir û dest di herêmê de wer dide."

Sebirtî di dawiya axaftina xwe de diyar kir ku ew Partiya Yekitiya Demokratîk her tim ji bo berjewendî û ewlehiya gel dixebitin û bang li partiyên kurdî kir ku yekitiya xwe ava bikin û ji bo berjewendiyên gel kar bikin.

Di civînê de bang hate kirin ku divê gelê li derdora Rêveberiya Xweser kom bibe û QSD‘ê xurt bikin.

ANHA