Tîma Endezyariyê li Reqayê 18 hezar mayin bê bandor kirin

Mayin û bombeyên çeteyan çandine, bandorê li jiyana sivîl û leşkerên li Reqayê dike. Tê zanîn ku QSD di Cotmeha 2017`an de bajarê Reqayê ji çeteyan rizgar kir.

Çeteyên DAIŞ`ê nêzî 4 salan li Reqayê man û mayin û bombe li kolan û malên bajarê Reqayê hiştibûn.

Di encama teqandina mayinan de bi sedan sivîlên bajêr bûn qurbanî û di vê derbarê de Buroya Astengdaran diyar kir ku ji sedî 70 ji gaziyên şer, ji ber teqandina mayin û bombeyên ku DAIŞ`ê li peyî xwe çandibûn.

Tîma Endezyariyê ya Hêzên Ewlekariya Hundirîn a Reqayê 18 hezar mayin, bombe û topên çeteyan, bê bandor kirin.

Yek ji endamên rêveber ên Tîma Endezyariyê ya Hêzên Ewlekariya Hundirîn a Reqayê Akif Mihemed got tîma endezyariyê ya Reqayê jiyana sivîlan ji xetereyê xelas kir. Mihemed diyar kir ku hêzên wan mayinên li mal û erdan hatibûn çandin, bê bandor kirin, her wiha li avahiyên taybet û giştî yên bejahî û bajarê Reqayê jî geriyan.

Mihemed bi bîr xist ku hejmara mayin û çekên DAIŞ`ê li pey xwe hiştibûn, gihaşt 18 hezar û 379’an û bombeyên li herêmê çêkiribûn.

Akid Mihemed di dawiyê de got Tîma Endezyariyê li Reqayê gera xwe berdewam dike û dema agahiyên hebûna mayinan tên, yekser tîm berê xwe dide cihê bûyerê.

(eh)

ANHA

<iframe width="560" height="315" src="https://www.youtube.com/embed/uEsCvU9aGSQ" frameborder="0" allow="accelerometer; autoplay; encrypted-media; gyroscope; picture-in-picture" allowfullscreen></iframe>