Xebatên Şaredariya Şehbayê yên 2019‘an

Di Şaredariya Gel a Kantona Şehbayê de 20 karkerên paqijkirinê hene ku li 14 gundên girêdayê navçeya Fafînê dixebitin û ji bilî rêveberan 97 kermend hene.

Şaredariyê ji ber dorpêça li ser kantona hatiye ferzkirin di peydakirina gelek pêdiviyan de zehmetiyan dikşîne.

Şaredariyê xizmetê pêşkêşî navenda navçeya Fafînê û 14 gundên girêdayî wê dike. Di sala borî de şaredariy kehrebe gihand 14 gundan û li her gundekî cenatorek danî.

Li gel projeya kehrebê du projeyên kanalîzasyonê pêk anîn. Her wiha ji bo peydakirina avê 5 bîr kolandin û ji bo her gundekî du terektor danîn da ku pêwîstiyan şêniyan bi cih bînin.

Hevseroka Şaredariya Şehba ya li navçeya Fafînê Selwa Mihemed têkildarî xebatên şaredariyê yên sala 2019‘an got: "Destpêkê me gelek zehmetî kişandin ji ber ku binsaziya herêmê ji ber bermahiyên terorîstan wêran bibû, xebatên me bi sererastkirinê destpê kir. Me hemû bermahî rakirin, xetên kanalîzasyonê çêkirin û gelek ragar paqij kirin. Xebatên me bi hevkariya welatiyan bi rêve çû. 7 sal piştî şer binsaziya herêmê baş bû."

Selwa anî ziman ku şaredarî pêwîstiyên 14 gundan, ji cenator, ava, mazot û paqijkirin bi cih tîne, li her gundekî cenatorek heye, di bin rêveberiya "karmen û mekanîzyenekî de ne.

Sewla destnîşan kir ku beriya zivistanî piraniya rêyên bi zirar hatin sererastkirin û bi bîr xistin ku kantona Şehbayê dorpêçkiriye şaredarî bi derfetên kêm xizmetê pêşkêş dike.

ANHA

<iframe width="560" height="315" src="https://www.youtube.com/embed/xbvGZfb7ET8" frameborder="0" allow="accelerometer; autoplay; encrypted-media; gyroscope; picture-in-picture" allowfullscreen></iframe>