​​​​​​​Mijarên rojanemeyên erebî yên hefteya borî

Rojnameyên erebî vê hefteyê behsa rewşa Idlibê, mudexeleya Tirkiyê di Lîbyayê de û kirîza Iraqê kirin.

EL-BEYAN: "HERÊMÊN BÊÇEK" LI BER PÊŞKETINA REJÎMÊ LI IDLIBÊ, LI BER TÊKÇÛNÊ NE

Rojnameyên erebî yên îro der barê rewşa Sûriyê de behsa gelek mijaran kir, ji wan rewşa Idlibê. Di vê der barê de rojnameya El-Beyan wiha nivîsand: "Pêşveçûna artêşa Sûriyê a bi lez li Idlibê û du nuqteyên çavdêriyê yên Tirkiyê di dema ku ber bi bajarê Meret El-Numan ê parêzgeha Idlibê ya bakurê rojavayê Sûriyê ve diçû, dorpêç kir. Ev yek di çarçoveya êrişeke din li ser baregeheke sereke ya komên çekdar ku Cebhet El-Nusra hêza wan a sereke ye, pêk hat. Ev yek lihevkirina herêmên bêçek a di navbera Tirkiye, Rûsya û Îranê ya 4`ê Gulana 2017`an de dixe xetereyê."

Li gorî rojnameyê ev lihevkirin ber bi têkçûnê ve diçe. Di dema ku xebatên dîplomatîk ên ji bo lihevkirina siyasî li Sûriyê têk çûn.

Rojnameyê li ser zimanê çavkaniyan wiha tekez kir: "Nuqteya leşkerî yê Tirkiyê yê nêzî gundê El-Serman, rêya bi lez a sereke ku di bin serweriya opozisyonê de û ji bakurê bajarê Helebê di bin serweriya hikumetê de paşê ber bi Şam û bi aliyê başûr ve niha di bin dorpêça hêzên Sûriyê de ye."

EL-EREB: ÊDÎ IDLIB RIHNEYA (GARANTÎYA) HESABÊN TIRKIYÊ Û RÛSYAYÊ YÊN DEMKÎ LI ERDNÎGARIYA SÛRIYÊ YE

Rojnameyên erebî vê sibehê bi gelek mijaran behsa rewşa Sûriyê kir ku jê rewşa Idlibê ye. Di vê çarçoveyê de rojnameya El-Ereb wiha nivîsî: "Pêncşemê, serokê Amerîkayê Donald Trump di yekemîn axaftina li ser operasyona leşkerî ku artêşa Sûriyê û hevalbendên wê ku bûye çend roj li Bakur û Rojavayê Sûriyê pêk tînin de, bang li Sûriyê, Rûsya û Îranê kir ku êrişên xwe li dijî sivîlên Idlibê rawestînin."

Çavdêran got daxuyanî der barê tiştê li Idlibê dibe de, mîna "barsivikkirinekê ye" ku civaka navdewletî biryara bendemayînê daye ku dê mijara li vê parêzgehê ku berîka sereke ya dawîn ya komên opozîsyon û cîhadîstên li Sûriyê, çi bi xwe re bîne.

Çavdêran der heqê rewşa dewleta Tirk de bal kişand ser ku Enqere rûdanên li Idlibê bêyî helwesteke dijber, pêk tîne.

Li aliyekî din jî hin agahî destnîşan dikin ku êdî Idlibê parçeyek ji şerê Terablusê ye û hêzên opozîsyona Sûriyê yên alîgirên dewleta Tirk berê xwe da Terablusê. Lê hin agahiyên din jî behs dikin ku çekdarên girêdayî komên cîhadîst li Idlibê ji bo piştevaniya milîsên îslamî yên di bin baskên hikumeta El-Wîfaq a bi serkêşiya Fayêz El-Sîrac de, veguhastin Lîbyayê. Ev agahî piştî ku serokê Rûsyayê Vladimîr Pûtîn di Hezîranê de metirsiya xwe der barê çûna çekdaran ji herêma Idlibê ber bi Lîbyayê ve eşkere kiriye de, pêk hat.

ŞERQ EL-EWSET: SALIH, ÎSTÎFAKIRINÊ DI SER PAŞGUHKIRINA DENGÊ KOLANÊ RE DIGIRE

Der barê Iraqê de rojnameya Şerq El-Ewset wiha nivîsî: "Serokê Iraqê Berhem Salih rûdanên li Iraqê pêk tên, bi navkirina bernamzetiya bloka"El-Benaa" Esed El-Îdanî ya serokwezîrtiyê, piştî ku erkdarkirina wî ya ji bo bersivdayîna "vîna gel" red kir û pêşkêşî îstîfakirinê kiriye, tirsand."

Salih di nameya ji serokê parlamentoyê re wiha got: "Berjewendiya bilind a welat berpirsiyariya neteweyî li ser milê serok bi piştevaniya lihevkirina der barê bernamzetiya serokatiya hikumetê de ye. Her wiha jî bal kişand ser ku pêwîst e bibe hêmana hêdîkirina rewşê û vîna gel bibersivîne."

Berhem Salih piştî ji Bexdayê çû Silêmaniyê, wiha daxuyand: "Ji mentiqê parastina min a li dijî xwînrijandin û aştiya şêniyan ligel rêzdariyê ji mamoste Esed El-Îdanî re, dar barê erkdarkirina wî de lêborînê dixwazim... û îstîfaya xwe datînim pêş endamên parlamentoyê, da ku nûnerên gel li gorî ku çawa guncaw dibînin, hilbijêrin. Her wiha jî bal kişand ser ku divê tevgerên siyasî û parlamentoyê her tim li gorî vîna gel ên giştî, ewlehî û aştiya civakî tev bigerin."

EL-BEYAN: ERDOGAN FERMAN DA KU TERORÎSTAN JI SÛRIYÊ BIŞÎNE LÎBYAYÊ

Her wiha rojnameya El-Beyan ji pisporekî di rêveberiya aloziyan û şeran de Dr. Ekrem El-Şelî ragihand ku piştî rizgarkirina artêşa Sûriyê cihên herî mezin ên terorîstan, niha serokê Tirkiyê Recep Tayyîp Erdogan fermana operasyona komkirina terorîstan dide da ku wan û malbatên wan bişîne Lîbyayê. Her wiha dê komên din tevî malbatên wan bi cih bike.

EL-EREB: SERDANA ERDOGAN METIRSIYÊN KU TÛNIS VEGUHERE ÇAVKANIYA PROJEYA TIRKIYÊ LI LÎBIYAYÊ ZÊDE DIKE

Têkildarî serdana serokkomarê Tirkiyê Receb Tayyîp Erdogan ji Tûnisê re rojnameya El-Ereb wiha got: "Serdana ji nişka ve ya serokkomarê Tirkiyê Receb Tayyîp Erdogan a ji Tûnisê re metirsiyên nû di nava aliyên siyasî yên Tûnisê de çêdike.”