Partiya Pêşerojê ya Sûriyê semînerek girêdayî koçberiyê li Helebê lidar xist

Partiya Pêşerojê ya Sûriyê şaxê Helebê li taxa Şêxmeqsûd semînerek bi navnîşan "Koçberî û koçberkirina bi zorê" orgenîze kir. bi dehan endamên partiyê û şênî tev li semînerê bûn.

NÛÇE

25 kanûn, 2019 18:10

HELEB-ARÊF SILÊMAN-MIHEMED EBDO

Partiya Pêşerojê ya Sûriyê şaxê Helebê li taxa Şêxmeqsûd semînerek bi dirûşmeya "Koçberî û koçberkirina bi zorê" lidar xist.

Bi dehan endamên partiyê, saziyên sivîl û nûnerên partiyên siyasî tev li semînerê bûn.

Di semînerê de endamê Meclisa Giştî ya Partiya Pêşrojê ya Sûriyê ya Efrîn û Şehbayê Reşîd Mihemed Reşîd axivî û di nav semînerê de sinevîzyonek girêdayî mijarê hate pêşendan.

Koçberî û cureyên wê tevî sedem û encamên wê di semînerê de hatin pênasekirin.

Reşîd her wiha behsa rewşa koçberkirina bi zorê ya ku rastî şêniyên Efrînê û gelên Bakur û Rojhilatê Sûriyê li ser destên artêşa Tirk a dagirker û çeteyên wê hatine kir.

Reşîd di nav axaftina xwe de diyar kir ku artêşa Tirk a dagirker û çeteyên wê li dijî herêmên dagirkirî bi taybet li Efrînê gelek binpêkirin ji komkujî, qirkirina nejadî, qetilkirina zarokan, jinan tevî wêrankirina maln sivîlan, talankirina şûwarên dîrokî û wêrankirina cihên dîrokî.

Di nav semînerê de deriyê nîqaşê ji beşdaran re hate vekirin û bersîva pirsên wan hate kirin.

(şx)

ANHA