Êzidiyên Efrînê Cejna Êzî pîroz kir

Êzidiyên Efrînê îro di saetên sibê de bi boneya Cejna Êzî serdana goristana şehîdan a li navçeya Ehres a herêma Fafîn a Şehbayê kir.

CIVAK Û JIYAN

20 kanûn, 2019 09:05

ŞEHBA

Bi dehan malbatên êzidî û endamên Meclisa Malbatên Şehîdan boneya Cejna Êzî serdana goristana şehîdan a li navçeya Ehres a herêma Fafînê ya kantona Şehbayê, kir.

Civaka Êzidî piştî 3 rojan rojî (sêşem, çarşem û pêncşem) ji hefteya destpêkê ya meha Kanûnê û li gorî salnameya kurmancî Cejna Êzî pîroz dikin. Cejna Êzî bi cejna "Cejna Rojiya Mezin" jî tê naskirin. Di navbera salnameya zayînî û salnameya şerqî de 13 roj ferq heye.

Li goristanê êzidiyan kulîlk danîn ser gorên şehîdan. Paşê ji rêveberên Yekitiya Êzidiyan Mustefa Nebo axivî û Cejna Êzî li tevahî civaka êzidî û gelê herêmê pîroz kir.

Her wiha ji rêveberên Yekitiya Êzidiyan a kantona Efrînê Silêman Cafer û endamê Meclisa Malbatên Şehîdan Hisên Murad, axivîn.

Di axaftinan de Cejna Êzî li tevahî şêniyan hat pîrozkirin û hêviya aramî û ewlehiyê ji hemû gelan re hat xwestin. Her wiha axaftvanan got ew bi hêvî ne li Efrînê vegerin, cejna xwe li warê xwe pîroz bikin û Efrîn ji dewleta Tirk a dagirker û çeteyên wê were rizgarkirin.

(bx)

ANHA