Li Şehbayê, du şehîd hatin oxirkirin

Şêniyan cenazeyên şervanên YPG‘ê Ronî Cindirêsê û Eynat Rojava ji pêşiya nexweşxaneya Avrîn ya li navçeya Fafînê werbigirin û di nava dirûşmeyên dilsoziya bi şehîdan re, berê xwe dan goristana şehîdên Berxwedana Serdemê ya li navçeya Ehresê.

Di merasîma oxirkirina şehîdan de, nasnameyên 3 şehîdên din  ku di şerê li dijî êrişên dagirkeriya dewleta Tirk û çeteyên wê li ser herêmên Bakur û Rojhilatê Sûriyê di dem û cihên cûda de şehîd bûne, hatin ragihandin.

Navên şehîdan wiha ne: Ebdu El-Mecîd Hemo (Eynat Rojava), Sozgîn Xelîl (Havîn Axîn) û Bedîa Ebdo (Rûhêv Efrîn).

Merasîmê bi deqeyeke rêzgirtin dest pê kir. Piştre bi navê Meclisa Malbatên Şehîdan Hesen Berko û bi navê Meclisa Kantona Efrînê jî Newroz Ehmed axivîn.

Di axaftinan de îşrat bi girîngiya yekهtiyê û şopandina rêya şehîdan hat kirin, û wiha hat gotin "Fedekariyên zarokên me, misogeriya vegera Efrînê û jiyana bi rûmet in."

Her wiha hat diyarkirin ku "Şehîd ji bo welat û azadiya gelê xwe canê xwe feda dikin û rêya me ronî dikin. Îro gelê me îrade û hêza xwe ji şehîdan digre, ji ber wê dê her şopdarên rêya wan bin."

Piştre wesîqetên şehîdan hatin xwendin û radestî malbatên wan hatin kirin.

Di dawiya merasîmê de, cenazeyên her du şehîdan li goristana şehîdan ya li navçeya Ehresê ya herêma Şehbayê, hatin veşartin.

ANHA