Sersaxî ji malbata şehîd Sara Tîrêj re hat xwestin

Bi sedan şêniyên herêma Efrînê sersaxî ji malbata şehîd Sara Tîrêj ku di Berxwedana Rûmetê de şehîd bû, xwestin.

NÛÇE

4 mijdar, 2019 12:43

ŞEHBA

Bi sedan şêniyên herêma Efrînê berê xwe dan konê sersaxiyê yê şehîd Sara Tîrêj ku 10`ê Cotmeha derbasbûyî li bajarê Girê Spî şehîd bûye û sersaxî ji malbata wê re xwestin. Konê sersaxiyê li pêşiya navenda Meclisa Malbatên Şehîdan a Şehbayê hatiye vedan.

Şêniyan dirûşmeyên silavkirina berxwedana Rojava, Berxwedana Serdemê û Berxwedana Rûmetê berzkirin.

Merasîma sersaxiyê bi rêzgirtin destpê kir. Paşê, Endamê Meclisa Malbatên Şehîdan Mihemed Welo û Endama Meclisa Herêma Efrînê Sûreya Mustefa, axivîn. Di axaftinan de sersaxî ji malbata şehîd re û ji hemû rêhevalên wê re hate xwestin. Her wiha hat tekezkirin ku bi rihê berxwedaniya şehîdan û bi israrkirina gelên herêmê dê têkoşîn û berxwedana berdewam bikin, Berxwedana Rûmetê û Berxwedana Serdemê dê bi ser bikevin û dagirkerî dê têk biçe.

Paşê wesîqeta şehadetê ji aliyê Meclisa Malbatên Şehîdan ve hat xwendin û radestî malbata şehîd Sara Têrîj hat kirin. Malbata şehîd Sara jî soz dan ku ew ê berxwedana xwe dewam bikin heta ku armacên şehîdan pêk bînin.

(bx)

ANHA