Serêkaniyê şehîdê xwe Cemal Ehmed oxir kir

Şêniyan cenazeyê şehîd Cemal Ehmed ku duh dema bi erka xwe ya leşkerî radibû û şaneyên DAIŞ`ê yên terorîst li bajarê Reqayê dişopandin, şehîd bû, ji Nexweşxaneya Roj a Serêkaniyê wergirt û ber bi Goristana Şehîdan a Serêkaniyê ve ketin rê.

Merasîmê bi deqeyeke rêzgirtinê û toraneke leşkerî ji aliyê endamên Hêzên Ewlekariya Hundirîn ve dest pê kir, paşê gelek kes axivîn. Endamê Meclisa Malbatên Şehîdan a Serêkaniyê Îdan El-Efîn û bi navê Hêzên Ewlekariya Hundirîn a Bakur û Rojhilatê Sûriyê Şêrwan Elî axivîn.

Axaftvanan sersaxî ji malbata şehîd re xwest û berxwedana ku QSD û Hêzên Ewlekariya Hundirîn li dijî rêxistinên terorîst nîşan didin, pîroz kir.

Axaftvanan xuya kir ku piştî gefên Tirkiyê yên dagirkirina herêmên Bakur û Rojhilatê Sûriyê, çeteyên DAIŞ`ê li Bakur û Rojhilatê Sûriyê çalak bûne. Her wiha axaftvanan soz da ku ew ê di rêya şehîdan de bimeşin da ku serkeftinê qezenc bikin.

Paşê nasnameya şehîd ji aliyê endamê Meclisa Malbatên Şehîdan Elî Ferman ve hate xwendin û radestî malbata şehîd hate kirin. Di nav dirûşmên "Şehîd namirin" de şehîd spartin axê.

ANHA