Di civîna Meclisa giştî de biryarên nû

Meclisa Giştî ya Rêveberiya Xweser a Bakur û Rojhilatê Sûriyê ji bo erêkirina qanûna Gimurkê ya Rêveberiya Xweser a Bakur û Rojhilatê Sûriyê, îro civiya. Di civînê de hevserokek ji Desteya Tenduristiyê re diyar kir.

Civîn li hola civînan a Rêveberiya Xweser a li navçeya Eyn Îsayê ya herêma Firatê bi tevlibûna hevserokatiya Meclisa Giştî Ferîd Etî û Sîham Qeyro, endamên dîwanê û piraniya endamên meclisê tevî hevseroka Desteya Malî Selwa El-Seyd û Mudirê Giştî yê Gimrukê Mihemed El-Mihemed li dar ket.

Civîn bi deqeyek rêzgirtin destpê kir, piştre hevserokatiya Meclisa Giştî, hevseroka nû ya Desteya Tenduristiyê da naskirin. Hevseroka nû li şûna hevseroka berê Xîtam El-Cild û li ser pêşniyara Meclisa Rêveber hate erkdarkirin.

Meclisê Alaa Ehmed wek hevseroka nû ji Desteya Tendursiyê re hilbijart. Piştre Alaa Ehmed sond xwar û ji îro de dest bi kar kir.

Alaa Mihemed hevseroka Desteya Tenduristiyê ji bajarê Minbicê ye û ji zanîngeha dermansaziyê derçûye. Her wiha berê wek endamek rêveber di Dermanxaneya Navendî ya Minbicê de xebitî.

Qanûna Gimrukê ya Rêveberiya Xweser ji 11 deriyan û ji 92 bendan pêk tê. Ev bend karê bazirganiyê, kelûpelan, anîn û derxistina kelûpelan ji û ji bo herêmên Rêveberiya Xweser re diyar dike.

(şx)

ANHA