Bi merasîmeke bi heybet cenazeyê Taha Elî hate veşartin

Welatiyên herêma Kerama ya gundewarê rojhilatê Reqayê cenazeyê endamê Hêzên Ewlekariya Hundirîn Taha Elî El-Feyad ê dema li ser erka xwe bû şehîd bibû, bi merasîmeke girseyî li goristana şehîd Sêvdar a bajarokê Cidêdaet ê gundewarê rojhilatê Reqayê spartin axê.

Girseya welatiyan cenazeyê şehîd ji navenda Meclisa Malbatên Şehîdan wergirtin û bi kerwanekê erebeyan ku bi wêneyên şehîd hatibû xemilandin ber bi goristana şehîd Sêvdar a bajarokê Cidêdaet bi rê ketin.

Li goristanê piştî merasîma leşkerî ya ji aliyê Hêzên Ewlekariya Hundirîn ve bi navê Meclisa Malbatên Şehîdan Meter El-Şexel û bi navê Hêzên Ewlekariya Hundirîn Îsmaîl El-Hiwêcê axivîn. Di axaftinana de sersaxî ji malbata şehîd re hate xwestin û rola şehîdan a rizgarkirina gel ji terorê hate destnîşankirin. Kesên axivîne, li hemberî hewldanên derxistina tevliheviyê banga yekitiyê li gelê herêmê kirin.

Nasnameya şehîd ji aliyê rêvebira Meclisa Malbatên Şehîdan Emîna El-Elî ve hate xwendin û radestî malbata şehîd hate kirin.

Hevalên şehîd cenazeyê di nava dirûşmeyan de spartin axê.

ANHA