Cenazeyê şehîd Etallah Elî li Til Koçerê hate oxirkirin

QAMIŞLO

Bi sedan şêniyên herêma Dêrikê, navçeyên Girkê Legê û Til Koçerê bi tevlibûna Hêzên Xweparastinê, YPG, YPJ û Hêzên Asayîşê berê xwe dan Goristana Şehîdan a Til Koçer û cenazeyê endamê Hêzên Xweparastinê şehîd Etallah Elî spartin axê. Etallah Elî  li Til Koçerê dema li ser erka xwe bû şehîd bûbû.

Girseya gel cenazeyê şehîd bi dirûşmeyên dilsoziya bi şehîdan re pêşwazî kirin.

Li goristanê merasîm bi deqeyek rêzgirtina leşkerî ji aliyê Hêzên Asayîşê, Hêzên Xweparastinê, YPG û YPJ`ê ve destpê kir. Paşê yek ji fermendarên YPG`ê Şengal Til Koçer axivî û sersaxî ji malbata şehîd re xwest. Şengal Til Koçer soza şopandina rêya şehîdan.

Endamê Hêzên Xweparastinê yê Til Koçerê Salim Ibrahîm got: "Ji bo şikandina her êrîşekê li ser ewlehiya herêmê em ê bibin, mertal û bê teredud em ê destkeftiyên bi keda şehîdan hatine bidestxistin biparêzin."

Endamê rêveber ê Meclisa navçeya Til Koçerê Zahid Mihemed jî axivî û destnîşan kir ku şervanan ji bo rizgarkirina herêmê ji terorê destanên lehengiyê û fedakariyê nivîsîne.

Piştî bidawîbûna axaftinan bawernameya şehadeta şehîd hate xwendin û radestî malbata wî hate kirin.

Piştre cenazeye şehîd di nava tilîliyên dayîkan de spartin axê .

(şx)

ANHA