Li ser daxwaza rûspiyên eşîran 10 girtî hatin berdan

REQA

Li ser daxwaza rûspî û eşîrên bajêr û bicihanîna banga  Rêveberiya Xweser a Bakur û Rojhilatê Sûriyê, Buroya Têkiliyên Leşkerî 10 girtiyên ji şêniyên bajarê Reqayê û gundên wê serbest berdan.

Ji ber vê yekê rûspî û eşîrên bajarê Reqayê bi endamên Buroya Têkiliyên Leşkerî ya Giştî û malbatên girtiyan re li navenda Fermandariya Giştî ya QSD`ê civiyan.

Di roja serbestberdana girtiyan de, şêx Ayid El-Hadî şêxê eşîra El-Mûsa axivî û wiha got: "Em vegera xwe li gel û civaka we pîroz dikin, lê em dixwazin hûn vegerin mêjiyê xwe û di kar û avakirina bajêr de bibin alîkar."

Şêx Ayid El-Hadî wiha got: "Em ji we dixwazin hûn bi qasî baweriya ku me da we, piştî hate teqezkirin ku destê wan di rijandina xwîna gelê Sûriyê de tune ye, em wek rûspiyên eşîran û li ser daxwaza me Rêveberiya Xweser ew girtî serbest berdan."

Paşê Buroya Têkiliyên Giştî 10 girtî radestî malbatên wan kirin, malbatên wan jî spasiya însiyatîfê kir.

Rêveberiya Xweser a Bakur û Rojhilatê Sûriyê bi rêya civîneke çapemeniyê li Eyn Îsa di 2`yê Adarê de 283 girtî, li ser daxwaza rûspiyên eşîrên herêmê serbest berdan.

(jo)

ANHA