welatiyên Dêrezorê şehîd Polat  oxir kirin

DÊREZOR

Bi sedan ji şêniyên bejahiya rojavayê Dêrazorê û endamên saziyên sivîl û leşkerî ji bo wergirtina cenazieyê Polat (Mihemed El-Xetat) yê di 4`ê meha Adarê de şehîd bûye berê xwe dane çerxerêya  El-Mukemen.

Piştî ku cenazeyê şehîd wergirtin, welatî bi  dehê erebeyan ber bi goristan şehîd Xidir El-Hemade  ya li Ebû Xeşeb ve bi rê ketin.

Li goristanê piştî deqayek rêzgirtin torena leşkerî ji aliyê şervanên QSD`ê ve hat lidarxistin. Paşê fermandarê QSD`ê Azad El-Ehmed axivî sersaxî ji malbata şehîd re xwest û tekez kir ku ew ê şopa şehîdan bidomînin û tucarî berdêlên ku şehîdan dane jibîr nakin.

Paşê ji rêveberên meclisên herêmî Xalid El-Amo axivî bal kişand ser rola rêxistina di saziyên sivîl û leşkerî de, da ku dawî li fikir û hişmendiya çeteyan li herêmê bînin, El-Amo got ku divê her kes roleke pêşeng di vî alî de bilîze û civakeke demokratîk li ser bingeha azdî û jiyana hevbeş ava bikin.  

Piştî belgenameya şehîd hate xwendin û radestî malbata şehîd hate kirin.

Paşê rêhevalên şehîd Mihemed El-Xetat cenazeyê şehîdhilgirtin û bi sloganên silavkirina berxwedana QSD`ê û dilsoziya bi şehîdan re, spartin axê.

ANHA