Hikumeta Başûr nehişt 10 rêxistinên ciwanan derbasî Rojava bibin

KOBANÊ

"Însiyatîfa Ciwanên Rojhilata Navîn" ku ji ciwanên Ereb, Tirk, Kurd û Suryan pêk tê, Duyemîn Konferansa Ciwanên Rojhilata Navîn li bajarê Kobanê yê Bakurê Sûriyê li dar dixe.

Kongre bi şermezarkirina Hikumeta Herêma Başûr Kurdistanê ku nehîşt 8 tevger û partiyên ciwanên şoreşger derbasî Bakurê Sûriyê bibin, dest pê kir.

Bi sedan tevger û partiyên ciwanên şoreşger ên Rojhilata Navîn wekî ciwanên Partiya El-Teaxî ya Sûriyê, ciwanên Partiya Yekitî ya Sûriyê, ciwanên Partiya Demokratîk a Sûriyê, ciwanên Partiya El-Texyîr a Sûriyê, Tevgera Ciwanên Rojava ya Sûriyê, ciwanên Meclisa Sûriya Demokratîk, ciwanên Partiya Yekitiya Demokratîk (PYD), ciwanên Partiya Çepgir a Sûriyê, Ciwanên Ermenî, Ciwanên Tirkmenî, Ciwanên Partiya Vîna Gel, ciwanên Partiya Şoreşger a Tirkiyê, ciwanên Partiya Pêşerojê ya Sûriyê, ciwanên Partiya Nûjen a Sûriyê, Partiya Çepgir a Marksîst û Lenînîst û ciwanên Tevgera Şoreşgerî ya Misrî, beşdarî konferansê bûn.

Ciwanên şoreşger ji gelek welatên li derdora Sûriyê wekî Lubnan, Filistîn, Tirkiye û Ermenistanê di konferansê de amade bûn.

Hikumeta Herêma Kurdistanê zêdetirî 10 tevger û ciwanên partiyên siyasî ji gelek bajarên Erebî û Îranê nehişt di deriyê Sêmalka re derbas bibin, da ku tev li konferansê bibin. Rêxistinên ciwanan ên ku Hikumeta Başûr nehişt derbas bibin ev in; ciwanên Partiya Komunîst a Sûdanê, ciwanên Partiya Demokratîk a Yemenê, ciwanên Partiya Komunîst a Tunisê, ciwanên Partiya Niştîmanî ya Iraqê, Ciwanên Kedkar ên Başûrê Kurdistanê, ciwanên Tevgera Herêma Kurdistanê, ciwanên Partiya Demokratîk a Kurdistanê ya Îranê, Tevgera Ciwanên Gurcistanê û ciwanên Partiya Komunîst a Îranê.

Heta van kêliyan konferans dewam dike. Tê payîn ku konferans 3 rojan bidome. Di roja 4’an de dê beşdarên konferansê li cihên dîrokî yên ku bûne şahidên berxwedana şoreşa gelê Rojava, bigerin.

(fr)

ANHA