Civîna Meclisa Leşkerî ya QSD`ê dest pê kir

HESEKÊ

Beriya niha bi çend kêliyan,li bajarê Hesekê yê herêma Cizîrê civîna Meclisa Leşkerî ya Giştî ya Hêzên Sûriya Demokratîk (QSD) bi tevlêbûna fermandarên QSD`ê dest pê kir.

Li gorî çavkaniyên ji QSD`ê ku agahî dane nûçegihanên me, di civînê de dê pêngava Bagera Cizîrê, pêngavên ku QSD`ê berê li dar xistibûn, rewşa QSD`ê piştî têkçûna DAIŞ`ê li herêmê û plansaziya dema pêş werin nîqaşkirin.

 Fermandarê Giştî yê QSD`ê Mezlûm Ebdê, Berdevkê Fermî yê QSD`ê Kîno Gabiyêl, Fermandarê Giştî yê Meclisa Leşkerî ya Babê Cemal Ebû Cuma, Fermandarê Ceyiş El-Siwar Abdullmelik Berd, Fermandarê QSD`ê yê herêma Firatê Heqî Kobanê, Endama Fermandariya Giştî ya QSD`ê Newroz Ehmed, Fermandarê Giştî yê Meclisa Leşkerî ya Dêrazorê Ehmed Ebû Xewla, Fermandarê Têkoşîna li Dijî Terorê Harûn Koçer , Fermandarê Hêzên Sendîd, Şêx Bender Deham, Fermandara QSD`ê Rojda Heleb, Fermandaredê Giştî yê Hêzên Erka Xweparastinê Siyamend Welat, Fermandarê QSD`ê yê herêma rojhilat Hesen Qamişlo, Fermandara YPJ`ê Tolhildan Raman, Fermandara QSD`ê ya herêma rojhilat Leyla Waşûkanî, Fermandara Meclisa Leşkerî ya Dêrozê Jiyan Tolhildan, Berdevka Fermî ya pêngava Bagera Cizîrê Lîlawa Abdullah, fermandarên ji Cebhet El-Ekrad, Berpirsê Têkiliyên Giştî yê QSD`ê Rêdûr Xelîl û Fermandarê Meclisa Cerablus Mihemed Elî û Fermandarê Ceyiş Siwar Ebû Erac beşdarî civînê bûne.

Tê payîn ku di dawiya civînê de, Meclisa Leşkerî ya Giştî ya QSD`ê daxuyaniyekê bide raya giştî û encamên civînê ragihîne.

(kc)

ANHA